«Qaısar» afrıkalyq fýtbolshymen kelisimshartqa otyrdy

QYZYLORDA. QazAqparat - Qyzylordanyń «Qaısar» komandasy Gvıneıa-Bısaý quramasynyń 26-jastaǵy oıynshysy Prospera Mendımen kelisimshartqa otyrdy. Bul jóninde komandanyń baspasóz qyzmetinen málim etti, dep habarlaıdy QazAqparat tilshisi.

Afrıkalyq fýtbolshy kásibı mansabynyń basym bóligin Eýropa klýbtarynda ótkizdi. Buǵan deıin Frantsııanyń «Monfermaıl», Norvegııanyń «Stremsgodset», Belgııanyń «Vırton» jáne Bolgarııanyń «Spartak Varna» klýbtarynda dop tepti.

Aıta ketsek, buǵan deıin komanda basshylyǵy qaqpashylar – Nurymjan Salaıdın, qorǵaýshylar – Abylaıhan Tólegenov pen brazılııalyq Joao Pedro de Olıveıra, jartylaı qorǵaýshylar – Dıdar Jalmuqan, Rýslan Saqalbaev jáne Maǵjan Baýyrjanmen kelisimshartqa qol qoıdy.

Budan buryn «Qaısar» komandasyna jańa bas bapker taǵaıyndalǵanyn jazǵan bolatynbyz.

Foto: «Qaısar» fýtbol klýby