ASTANA. KAZINFORM — Almatylyq «Qaırattyń» fýtboldan UEFA Chempıondar lıgasy ekinshi irikteý kezeńindegi yqtımal qarsylastary anyqtalady.
Keshe, 17 maýsymda almatylyq komandanyń atalǵan týrnırdiń birinshi irikteý kezeńindegi qarsylasy anyqtaldy. Olar Slovenııanyń «Olımpııa» komandasymen 8/9 shildede Lıýblıanada jáne 15/16 shildede Almatyda jarystyń kelesi satysyna beriletin joldamany sarapqa salady.
Eger almatylyq klýb ekinshi irikteý kezeńine shyqqan jaǵdaıda tómende kórsetilgen juptardyń jeńimpazymen kezdesedi.
«Vırtýs» (San-Marıno) — «Zrınskı» Mostar (Bosnııa jáne Gertsegovına)
KýPS (Fınlıandııa) — «Mılsamı» (Moldova)
«Nıý Seınts» (Ýels) — «Shkendııa» (Soltústik Makedonııa)
«Shelbýrn» (Irlandııa) — «Lınfıld» (Soltústik Irlandııa).
Jerebe tartý rásimi búgin, 18 maýsymda qazaqstandyq ýaqytpen 15:00–ge belgilengen.
Eger «Qaırat» «Olımpııaǵa» ese jibergen jaǵdaıda Konferentsııa lıgasy ekinshi irikteý kezeńine joldama alady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.