Qaırat Joldybaı: Jas jigitti zorlaý oqıǵasynda meshittiń esh qatysy joq
«Osy aqparattan keıin áleýmettik jelilerde meshit qyzmetkerlerin kinálaıtyn túrli teris pikirler tarap ketti. Osyǵan baılanysty istiń anyq-qanyǵyn ashyp aıtýdy jón sanadym. Birinshiden, bala zorlady degen fakti áli naqtylanǵan joq. Ekinshiden, bul oqıǵanyń «Nur-Múbarak» ýnıversıtetimen, meshitimen jáne jataqhanamen tikeleı qatysy joq ekenin aıtqym keledi. Sebebi atalǵan ǵımarattar 6 gektar jerde ornalasqan, osyndaı úlken aýmaqty kúzetý úshin «Nur Múbarak» ýnıversıteti arnaıy lıtsenzııasy bar kúzet agenttigimen aqyly negizde kelisimshartqa otyrǵan. Sondyqtan osy aýmaqty kúzetý isi atalǵan agenttiktiń moınynda», - deıdi ol.
Onyń aıtýynsha, oqıǵa bolǵan jaǵdaıdyń ózinde de jaýapkershilik osy kompanııa qyzmetkerleriniń moınynda bolady.
«Sondyqtan bul máselege qatysty meshitti, onyń qyzmetkerlerin kinalaý, olar jaıly teris pikir jazý, aqparat taratý orynsyz dep sanaımyn», - deıdi Qaırat Joldybaıuly.