«Qaırat» jastar fýtbol komandasy Qytaıdaǵy halqaralyq týrnırdiń jeńimpazy atandy

<p>ASTANA. KAZINFORM &ndash; &laquo;Qaırat&raquo; jastar fýtbol komandasy Qytaıdyń Sıan qalasynda ótken halqaralyq týrnırde jeńiske jetti.</p>

«Chinanews» saıtynyń habarlaýynsha, 5 elden kelgen 14 jasqa deıingi 8 fýtbol komandasy ózara myqtyny anyqtady. Almatylyq «Qaırat» jastar (U14) komandasy toptyq kezeńde 2 jeńis jáne 1 jeńilis nátıjesimen 6 upaı jınap, kelesi kezeńge ekinshi orynmen joldama aldy. 

Foto: news.qq.com

Biliktilik kezeńinde, almatylyq jastar A tobynyń jeńimpazy ózbekstandyq komandany 2:1 esebimen qapy qaldyrdy.

Fınaldyq oıynda, «Qaırat» jastar quramasy qytaılyq «Shenchjen» jastar quramasymen kezdesip, negizgi ýaqytta 2:2 esebimen teń tústi. Penaltıler serııasynda 5:3 esebimen «Qaırat» jeńiske jetti. 

Aıta keteıik, elordalyq «Astana» komandasy Qazaqstan Premer-lıgasynda kósh bastady. Al «Qaırat» ekinshi orynǵa jaıǵasty.