Qaırat Súntaev QR Іshki ister mınıstriniń orynbasary laýazymynan bosatyldy

<p>Memleket basshysynyń ókimimen Qaırat Imatuly Súntaev Qazaqstan Respýblıkasy Іshki ister mınıstriniń orynbasary laýazymynan bosatyldy.</p>

Bul týraly Kazinform Aqordanyń resmı saıtyna silteme jasap habarlaıdy.

Polıtsııa general-leıtenanty Sóntaev Qaırat Imatuly 1961 jyly 7 mamyrda Pavlodar oblysy Aqtoǵaı aýdany Aqtoǵaı aýylynda dúnıege kelgen.

Bilimi – joǵary, 1992 jyly Ál-Farabı atyndaǵy Qazaq memlekettik ýnıversıtetin bitirgen.

Joǵary biliktilik synyby – 3 dárejeli.

«Qazaqstan Respýblıkasynyń Qurmet gramotasy» memlekettik nagradasymen marapattalǵan.

1981 jylǵa qazannan 1983 jylǵy qyrkúıekke deıin – Keńes Armııasy qatarynda qyzmet atqarǵan;

1992 jylǵy maýsymnan 1994 jylǵy tamyzǵa deıin – Pavlodar oblysy prokýratýrasynyń tergeýshisi;

1994 jylǵy tamyzdan 1997 jylǵy shildege deıin – Bas prokýratýra basqarmasynyń prokýrory, aǵa prokýrory;

1997 jylǵy shildeden 2000 jylǵy jeltoqsanǵa deıin – Aqmola oblysy Ereımentaý aýdanynyń, Astana qalasy Almaty aýdanynyń prokýrory;

2000 jylǵy jeltoqsannan 2002 jylǵy qazanǵa deıin – Astana qalasy prokýrorynyń orynbasary;

2004 jylǵy shildeden 2006 jylǵy qańtarǵa deıin – Astana qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵynyń orynbasary;

2006 jylǵy qańtardan 2008 jylǵy tamyzǵa deıin – Tergeý jáne anyqtaý departamentiniń bastyǵy, Tergeý komıteti tóraǵasynyń orynbasary, Tergeý komıtetiniń tóraǵasy;

2008 jylǵy tamyzdan 2009 jylǵy qazanǵa deıin – Atyraý oblysy ІІD bastyǵy;

2009 jylǵy qazannan 2010 jylǵy sáýirge deıin – Qaraǵandy oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵynyń orynbasary;

2011 jylǵy maýsymnan 2014 jylǵy qarashaǵa deıin Qazaqstan Respýblıkasy Prezıdentiniń Ákimshiliginde jumys istegen;

2014 jylǵy qarashadan 2018 jylǵy maýsymǵa deıin – Aqtóbe oblysy boıynsha Sybaılas jemqorlyqqa qarsy kúres jónindegi ulttyq bıýro departamentiniń basshysy (sybaılas jemqorlyqqa qarsy qyzmet);

2018 jylǵy maýsymnan 2019 jylǵy shildege deıin – Sybaılas jemqorlyqqa qarsy is-qımyl jónindegi ulttyq bıýronyń basshysy (sybaılas jemqorlyqqa qarsy qyzmet);

2019 jylǵy shildeden 2020 jylǵy naýryzǵa deıin – Almaty qalasy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń basshysy (sybaılas jemqorlyqqa qarsy qyzmet);

2020 jylǵy 13 naýryzdan bastap – Qazaqstan Respýblıkasy Іshki ister mınıstriniń orynbasary.