23 myńǵa jýyq jankúıerdi syıdyratyn Almatynyń basty stadıony búgin lyq tolmaq — barlyq bılet birneshe saǵatta satylyp ketti. Alańǵa kireberiste úlken kezekti boldyrmas úshin stadıon esigi jankúıerler úshin saǵat 18:45–te ashyldy.
Qazir sporttyq nysan aınalasynda merekelik kóńil-kúı ornaǵan. Kóshe boıynda sary-qara tý kóterip, almatylyq klýbtyń jeıdesin kıgen adamdardyń qarasy kóp. Al stadıon aldynda asyqpaı kelgen jankúıerler kezekte tur. Qorshaýdan keıingi aımaqta oıyn-saýyq baǵdarlamalary uıymdastyrylǵan.
Eske salaıyq, jankúıerlerdiń biraz bóligi arnaıy uıymdastyrylǵan avtobýstar arqyly stadıonǵa keldi. Oıynnan keıin adamdar osy qoǵamdyq kólikpen tegin qalanyń túkpir-túkpirine qaıta alady.
Stadıon men onyń aınalasynda qaýipsizdikti 1,5 myń polıtsııa qyzmetkeri qamtamasyz etip júr.