«Qaırat Satybaldyuly túrmede otyryp, qonaqúı satyp aldy»: Antıkor aqparatqa jaýap berdi
«Jekelegen azamattar BAQ jáne áleýmettik jelilerde «Double Tree by Hilton Almaty» qonaqúıin adamdar tobynyń, sonyń ishinde Q.Satybaldyulynyń ıemdený áreketteri týraly aqparat taratyp jatyr.
Barlyǵyna belgili, sottalǵan Q. Satybaldyuly qylmystyq-atqarý júıesiniń tıisti mekemesinde bas bostandyǵynan aıyrý túrindegi jazasyn ótep jatyr. Bul rette oǵan qatysty salyqtardy tólemeýge jáne qylmystyq kiristerdi zańdastyrýǵa baılanysty qylmystardyń basqa epızodtary boıynsha tergeý jalǵasýda. Tergeý barysynda zańsyz shyǵarylǵan aktıvterdi, sondaı-aq qylmystyq qarajatqa satyp alynǵan múlikti qaıtarý boıynsha sharalar qabyldanady.
Osyǵan baılanysty Satybaldyulyna zalaldy óteý maqsatynda bıznes ortalyqtar, ákimshilik ǵımarattar, kommertsııalyq úı-jaılar, úıler, páterler, aıaqtalmaǵan qurylys obektileri, jer ýchaskeleri, eksklıýzıvti zergerlik buıymdar, lıýks avtomashınalar men aqshalaı qarajat memleketke beriledi. Olardyń qataryna 2021 jyldyń qarasha aıynda Satybaldyulymen baılanysty kásiporyn satyp alǵan «Double Tree by Hilton Almaty» qonaqúıi kiredi. Qazirgi ýaqytta osy obektini memleket menshigine qaıtarý aıaqtalýda. Azamattardy jalǵan aqparat taratýǵa jol bermeýge shaqyramyz», - delingen málimette.