Qaırat Satybaldyuly memleketke taǵy 55,4 mlrd teńge qaıtardy

<p>QR Sybaılas jemqorlyqqa qarsy is-qımyl agenttigi Qaırat Satybaldyulynyń elden zańsyz shyǵarǵan aqshalaı qarajattaryn qaıtardy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

«Sybaılas jemqorlyqqa qarsy is-qımyl agenttigi Qaırat Satybaldyulyna jáne basqa da adamdarǵa qatysty júrgizilip jatqan tergep-tekserý sheńberinde elden zańsyz shyǵarylǵan aktıvterdi, onyń ishinde qylmystyq jolmen alynǵan aqsha qarajatyn jáne ózge de múlikti qaıtarý jóninde sharalar qabyldaýda.

Tek bıylǵy jeltoqsan aıynda Sybaılas jemqorlyqqa qarsy qyzmet qabyldaǵan sharalardyń nátıjesinde Q. Satybaldyulynyń jalpy somasy 120 mln AQSh dollaryna, ıaǵnı 55,4 mlrd astam teńgege teń aqshalaı qarajatty qaıtarýdy qamtamasyz etti.

Kórsetilgen qarajat memleketke keltirilgen zalaldy óteý esebine respýblıkalyq bıýdjetke jiberildi», - delingen Antıkordyń baspasóz habarlamasynda.

Málim etilgendeı, osylaısha keıingi 2 jylda bıýdjetke jáne kvazımemlekettik sektor sýbektilerine 912 mlrd teńgeden astam somaǵa múliktik aktıvter men aqshalaı qarajatty qaıtarý qamtamasyz etilgen. Olardyń qatarynda ákimshilik ǵımarattar, eksklıýzıvti zergerlik buıymdar, záýlim úıler, páterler men avtomobılder, aktsııalar men kompanııalardaǵy úlester, temirjol toraptary men aqsha qarajattary, sonyń ishinde shetelden alynǵan qarajattar bar.

Eske salsaq, byltyr Qaırat Satybaldyǵa sot úkimi shyǵyp, ol 6 jylǵa sottaldy. 

«Qazaqtelekom» jáne «Kóliktik servıs ortalyǵy» kompanııalarynyń qarajatyn jymqyrdy degen aıyppen bas bostandyǵynan aıyrylǵan Qaırat Satybaldy jazasyn  Shyǵys Qazaqstan oblysynda ótep jatyr. Bıylǵy jeltoqsanda ózin merziminen buryn shartty túrde bosatý týraly ótinish joldady.