Qaırat Satybaldynyń memleketke qaıtarǵan qarjysy jazaǵa áser ete me

<p>ASTANA. KAZINFORM &ndash; 2022 jyldyń naýryz aıynda &laquo;Qazaqtelekom&raquo; AQ-nyń laýazymdyq ókilettikterin asyra paıdalandy jáne qarajatyn asa iri mólsherde jymqyrdy degen kúdikke ilinip, keıin ózge de zańsyz áreketteri áshkere bolyp, aqyry 6 jylǵa bas bostandyǵynan aıyrylǵan kásipker Qaırat Satybaldy taǵy sot aldynda jaýap berdi. Onyń máselesi Astanada Qylmystyq ister jónindegi aýdanaralyq sotta qaraldy.</p>

Sotta prokýror aıyptaý aktisin jarııalady. Qaırat Satybaldyǵa QR Qylmystyq kodeksiniń 218-baby 3-bóliginiń 3-tarmaǵy, atap aıtsaq «Qylmystyq jolmen alynǵan aqshany jáne (nemese) ózge de múlikti zańdastyrý» baby boıynsha aıyp taǵylýda. Sonymen qatar, osy baptyń úshinshi bóliginde qylmystyq jolmen alynǵan kiristerdi asa iri kólemdegi zańdastyrý aıyby bar. Ol úshin múlki tárkilenip, bes jyldan on jylǵa deıingi merzimge bas bostandyǵynan aıyrý túrindegi jaza kózdelgen. 

Aıyptaýshy taraptyń málimetinshe, Qazaqstanda jyljymaly jáne jyljymaıtyn múliktiń jalpy somasy 34,8 mlrd teńgeden astam, Reseıde - 840,57 mln ​​rýbl (4,2 mlrd teńge), BAÁ-de - 162,15 mln dırham (20,4 mlrd teńge), Frantsııada - 8,3 mln eýro (4,15 mlrd teńge), Túrkııada – 65,2 mln lıra (4,25 mlrd teńge).

Kásipker Qaırat Satybaldy aqshany jylystatý isi boıynsha ótken birinshi sot otyrysynda óz kinásin tolyq moıyndady. Ol ózine urlanǵan qarajat kólemimen kelisetinin jetkizdi.

«Kinámdi tolyǵymen moıyndaımyn, qurmetti sot», - dedi aıyptalýshy.

 

Sot otyrysy belgisiz merzimge keıinge qaldyryldy. Osy ýaqyt ishinde Satybaldy kináni moıyndaý týraly kelisim túrindegi protsessýaldyq kelisimdi jáne zańsyz alynǵan múlikti qaıtarýdy talqylaýǵa nıet bildirdi.

Aıta keteıik, buǵan deıin Qaırat Satybaldy memleketke jalpy kólemi 732,8 mlrd teńge qarajat qaıtarǵany habarlanǵan bolatyn.

Esterińizge salsaq, 2022 jyldyń qyrkúıeginde Astanadaǵy Baıqońyr aýdanynyń soty úkimdi jarııalady. Satybaldy alty jylǵa bas bostandyǵynan aıyryldy, múlki tárkilendi.

Prezıdentke onyń memlekettik nagradalary men UQK general-maıory ataǵynan aıyrý týraly usynyldy. Sondaı-aq 10 jyl boıy memlekettik qyzmette qyzmet atqarýǵa tyıym salyndy.