Qaırat Rysqulbekovtiń «Halyq Qaharmany» belgisi mýzeıge tapsyryldy

ALMATY. QazAqparat - Almaty mýzeıine Qaırat Rysqulbekovtiń «Halyq Qaharmany» ataǵynyń belgisi tapsyryldy, dep habarlaıdy QazAqparat tilshisi.

Saıası qýǵyn-súrgin jáne asharshylyq qurbandaryn eske alý kúni qarsańynda «Jeltoqsan» oqıǵasynyń qaharmany Qaırat Rysqulbekovtyń medali Almaty mýzeıine berildi.
Belgini murajaıǵa Qaırattyń baýyry Talǵat Rysqulbekov tabystady.
Eske salap ketsek, azattyq úshin kúresken Qaırat Rysqulbekov eń joǵary aýyr úkim - ólim jazasyna kesilip, keıin bul jıyrma jyl bas bostandyǵynan aıyrýǵa aýystyrylǵan bolatyn. Ol Semeıdegi túrmede, jazasyn óteýge ketip bara jatqan jolda qaza tapqan. 1992 jyly kóz jumǵan soń ǵana aqtalǵan. 1996 jyly Qazaqstan Prezıdentiniń Jarlyǵymen oǵan «Halyq Qaharmany» (Halyq Batyry) ataǵy berildi.

Eske salsaq, búgin  Almatyda 1931-1933 jyldarǵy asharshylyq qurbandarynyń eskertkishine gúl shoqtaryn qoıý rásimi ótti, oǵan qoǵam qaıratkerleri, repressııa men asharshylyq qurbandarynyń urpaqtary, úkimettik emes uıymdar ókilderi jáne qala jastary qatysty.

Araılym Joldasbaı