Qaırat Omarov halyqaralyq uıym ókilderine senim gramotasyn tapsyrdy

VENA. QazAqparat - Qazaqstannyń Venadaǵy halyqaralyq uıymdar janyndaǵy Turaqty ókili, Elshi Qaırat Omarov Atom energııasy jónindegi halyqaralyq agenttiginiń (AEHA) Bas dırektory Rafael Marıano Grossı men ıAdrolyq synaqtarǵa jan-jaqty tyıym salý týraly shart uıymynyń (ıASJTShU) Atqarýshy hatshysy Lassına Zerboǵa óziniń senim qujattaryn tabystady. Bul týraly QazAqparat QR SІM resmı saıtyna silteme jasap habarlaıdy.

AEHA basshysy R.Grossı elimizdiń ıadrolyq qarýdy taratpaý máselelerine óz aýmaǵynda biregeı AEHA Tómen baıytylǵan ýran bankin ornalastyrý arqyly qosqan tarıhı úlesin atap ótti. Agenttik óz tarapynan Qazaqstanda medıtsına, aýyl sharýashylyǵy, ónerkásip pen óndiristiń basqa salalarynda ozyq ıadrolyq tehnologııalardy tıimdi engizýge atsalysýǵa daıyn ekenin bildirdi.

ıASJTShU Atqarýshy hatshysy L.Zerbo elimizdiń ıadrolyq qarýsyzdaný salasyndaǵy jahandyq kúsh-jigerin moıyndaı otyryp, osyǵan baılanysty Tuńǵysh Prezıdent – Elbasy Nursultan Nazarbaevqa Fınlıandııanyń burynǵy prezıdenti Tarıa Halonenmen birge «ıAdrolyq synaqtardan azat álem úshin chempıondar» joǵary ataǵyn berýin taǵy da atap ótti.