Qaırat Omarov BUU basshylyǵymen kezdesedi
«QR Syrtqy ister mınıstriniń birinshi orynbasary Qaırat Omarov (5-7 naýryzda) Doha qalasynda ótip jatqan Birikken Ulttar Uıymynyń nashar damyǵan elder boıynsha besinshi konferentsııasyna qatysyp jatyr. Qazaqstan delegatsııasy basshysynyń jalpy pikirtalas kezinde sóz sóıleýi, sondaı-aq BUU basshylyǵymen jáne sheteldik delegatsııalar basshylarymen birqatar ekijaqty kezdesýi josparlanyp otyr», - dedi A. Smadııarov vedomstvoda ótken aptalyq brıfıngide.
Budan bólek, 2023 jylǵy 10 naýryzda elordadaǵy Qazaqstan Syrtqy ister mınıstrliginiń ǵımaratynda BUU-nyń Qazaqstandaǵy qyzmetiniń 30 jyldyǵyna oraı brıfıngi jáne 2021-2025 jyldarǵa arnalǵan BUU-nyń Ornyqty damý maqsatyndaǵy yntymaqtastyq boıynsha negizgi baǵdarlamasynyń atqarýshy komıtetiniń otyrysy ótedi.
«Іs-sharaǵa Qazaqstan Syrtqy ister mınıstriniń birinshi orynbasary Qaırat Omarov, BUU-nyń Qazaqstandaǵy Turaqty úılestirýshisi Mıkaela Frıberg-Storı, BUU agenttikteriniń basshylary men dıplomatııalyq korpýs qatysady», - dedi resmı ókil.