Qaırat Nurdáýletov «Jetisý» komandasynyń bas bapkeri qyzmetine taǵaıyndaldy

<p>Fýtboldan Taldyqorǵannyń &laquo;Jetisý&raquo; komandasynyń bas bapkeri qyzmetine qazaqstandyq maman Qaırat Nurdáýletov taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qaırat Nurdáýletov 1982 jyly dúnıege kelgen. Kásibı oıynshy retinde «TsSKA-Qaırat», «Esil-Bogatyr», «Ertis», «Qaırat», «Tobyl», «Astana» jáne «Qaısar» komandalarynda oıyn kórsetti.

Fýtbolshy mansabyn aıaqtaǵannan keıin ulttyq quramanyń jattyqtyrýshylar shtabyna endi. Keıin Qazaqstan jastar quramasynyń bas bapkeri qyzmetin atqardy.

2023 jyly Túrkistan oblysynyń «Maqtaral» klýbynda bas bapker mindetin atqaryp, atalǵan ujymnyń Premer-lıgadaǵy ornyn saqtap qalýǵa úlesin qosty.

Al «Jetisý» bıyl Premer-lıgada 11 oryndy mise tutty. Bas bapker mindetin Asqar Qojabergenov atqaryp keldi.

Eske salsaq, budan buryn Andreı Karpovıch «Elimaıdyń» bas bapkeri qyzmetine kiristi.