Qaırat Mámı Joǵarǵy Sot departamentiniń jańa basshysyn tanystyrdy
15:58, 01 Tamyz 2016
ASTANA. QazAqparat - QR Joǵarǵy Sotynyń tóraǵasy Qaırat Mámı Joǵarǵy Sottyń sýdıalary men apparatyna Sottardyń qyzmetin qamtamasyz etý departamentiniń jańa basshysyn tanystyrdy.
QR Joǵarǵy sotynyń Sottardyń qyzmetin qamtamasyz etý departamentiniń jańa basshysy Abaı Toqsaba tanystyryldy
A.Toqsaba 1960 jyly dúnıege kelgen. Almaty halyq sharýashylyǵy ınstıtýtyn, Abaı atyndaǵy Almaty memlekettik ýnıversıtetin támamdaǵan. Ekonomıst, zańger, ekonomıka ǵylymdarynyń kandıdaty.
Joǵarǵy Keńes Apparatynyń Qarjy-sharýashylyq isteri basqarmasynyń sektor meńgerýshisi, Senat apparatynyń Óńirlik damý jáne jergilikti ózin-ózi basqarý komıtetimen ózara baılanys jasaý bóliminiń, Ákimshilik bóliminiń meńgerýshisi, Apparat basshysynyń orynbasary, Uıymdastyrý-baqylaý jáne kadr, Redaktsııalyq-baspa bólimderiniń meńgerýshisi bolyp qyzmet atqarǵan.