Qaırat Mámı: Tarıhı tamyrynan ajyramaǵan ult qana bolashaǵyn bekemdeı alady

ASTANA. QazAqparat - Búgin Astanada ótken «Rýhanı jańǵyrý - máńgilik el bolýdyń kepili» atty dóńgelek ústelde sóılegen sózinde Qaırat Mámı tarıhı tamyrynan ajyramaǵan ult qana bolashaǵyn bekemdeı alatyndyǵyn atap ótti.

«Ulttyq ádet-ǵurpyn, dástúr-saltyn erte zamannan-aq sana-túısigimen boıyna sińirip, ony ult kodyna aınaldyra bilgen elmiz. Osyndaıda álem oıshyly Pıfogordyń «Jasyq zańyń bolǵansha, jaqsy ádet-ǵurpyń bolsyn» degen dana sózi eriksiz oıǵa oralady», - dedi ol.

Aıta ketelik, Elbasynyń «Bolashaqqa baǵdar: rýhanı jańǵyrý» atty maqalasynda pragmatızm, básekelik qabilet, ulttyq biregeılikti saqtaý, bilimniń saltanat qurýy, evolıýtsııalyq damý, sananyń ashyqtyǵy sekildi qoǵamdyq sanany jańǵyrtýdyń birneshe baǵyty aıtylǵan.

Osy oraıda, elimizde qazaq tilin jańǵyrtý maqsatynda latyn álipbıine kóshý, gýmanıtarlyq bilim júıesin jańartý, ulttyq mádenıetti shetelge tanytý, «Týǵan jer» baǵdarlamasyn, «Qazaq tilindegi 100 jańa oqýlyq», «Qazaqstannyń qasıetti rýhanı qundylyqtary» jáne «Qazaqstandaǵy 100 jańa esim» jobalary iske asatyn bolady.