Qaırat Mámı Ózbekstan Joǵarǵy sotynyń tóraǵasymen kezdesti

TAShKENT. QazAqparat - Búgin Ózbekstanda alda ótetin ShYU Joǵarǵy Sot tóraǵalarynyń HІІ otyrysynyń aıasynda QR Joǵarǵy sotynyń tóraǵasy Qaırat Mámı Ózbekstan Joǵarǵy sot tóraǵasy Kozımdjan Kamılovpen kezdesti, dep habarlaıdy «QazAqparat» HAA menshikti tilshisi.

Kezdesý barysynda taraptar eki eldiń sot-quqyqtyq salalaryndaǵy ózgerister týraly, sondaı-aq sot júıesin demokratııalandyrýǵa jáne zańnyń ústemdigin nyǵaıtýǵa baǵyttalǵan reformalar jaıly aqparat almasty.

Ekijaqty kezdesýdiń sońynda taraptar Qazaqstan Respýblıkasy Joǵarǵy soty men Ózbekstan Respýblıkasy Joǵarǵy soty arasyndaǵy yntymaqtastyq týraly memorandýmǵa qol qoıdy.

Qol qoıylǵan qujatta sot bıliginiń táýelsizdigin nyǵaıtý, azamattardyń quqyqtary men bostandyqtaryn qorǵaý jónindegi jobalardy júzege asyrý sot tóreligin tıimdi basqarý, ádil sot isin júrgizý quqyǵy, sot tóreligine qol jetkizý, sot protsesiniń túrli kezeńderinde qorǵaý quqyǵyn qamtamasyz etý, sotta zań ústemdigine qatysty máselelerdi qarastyrý, sonyń ishinde «QR 5 ınstıtýtsıonaldyq reformany iske asyrý jónindegi 100 naqty qadam» Ult jospary men 2017-2021 jyldary ÓR damytýǵa baǵyttalǵan bes áleýetti strategııa qarastyrylǵan.