Qaırat Mámı: Kásipkerlik - halyqtyń baqýattylyǵynyń aıqyn kórinisi ári memlekettiń tiregi
Oǵan Qazaqstan Respýblıkasy Joǵary Sotynyń tóraǵasy Qaırat Mámı, «Atameken» ulttyq kásipkerler palatasynyń tóralqa tóraǵasy Tımýr Qulybaev qatysty.
Іs-sharaǵa Parlament depýtattary, sýdıalar, ortalyq memlekettik organdar, ulttyq kompanııalar, memlekettik emes uıymdar ókilderi men sarapshylar da qatysty. Beınebaılanys arqyly óńirdegi jergilikti sottar sýdıalary, memlekettik organdar men bıznes-qoǵamdastyq ókilderi qatysty.
Forýmda sóılegen óziniń kirispe Joǵarǵy Sot tóraǵasy Qaırat Mámı: «Memleket basshysy kásipkerlikti qorǵaý máselesine aıryqsha kóńil bóletindigin bilemiz. Onyń sebepteri anyq. Kásipkerlik - halyqtyń baqýattylyǵynyń aıqyn kórinisi, memlekettiń tiregi, ulttyq strategııalyq josparlardyń iske asýynyń birden-bir kepili. Sol sebeptermen biz «Atameken» Ulttyq kásipkerler palatasymen tyǵyz baılanysta jumys jasaýǵa ázirmiz» - dedi.
Ol josparlanǵan jumystyń negizgi basymdyqtaryna qysqasha toqtalyp ótti. Solardyń qatarynda: sot aqparatyna keń kólemde qol jetkizý jáne ınternet pen áleýmettik jelilerge basymdyq bere otyryp, tıimdi kommýnıkatsııa ornatý. «Qazirgi tańda sot isterin ádil ári jedel qarastyrý jetkiliksiz. Qoǵam sot tóreligi shyn máninde júzege asyrylatynyn, kez kelgen qylmys jazasyz qalmaıtynyn, al jazyqsyz adam aqtalatynyn bilýi kerek», - dedi Joǵary Sot tóraǵasy.
Sottar ashyqtyq saıasatyn ustana otyryp, neǵurlym mańyzdy qoǵamdyq múddelerdi kózdeıtin barlyq bedeldi uıymdarmen syndarly baılanysqa daıyn ekendigi de aıryqsha atalyp ótti.
«Atameken» UKP tóralqa tóraǵasy Tımýr Qulybaevtyń aıtýynsha, búkil álemde sot táýelsizdigi kásipkerlik pen ınvestıtsııalyq ahýaldy jaqsartýdyń negizgi faktory retinde qarastyrylady. Al, ár kásipker úshin daý - belgili bir deńgeıdegi kúızelis, zaıa ketken ýaqyt pen aqsha, al eger daý memlekettik organmen arada týyndasa - onda bul úlken shyǵyn, tipti bıznestiń toqtatylýyna ákelip soǵatyn jaǵdaı.
«Daýdy sheshýdiń sońǵy múmkindigi - sotqa júginý, munda bıznestiń túbegeıli taǵdyry sheshiledi. Sondyqtan sýdıalardyń ádil ári obektıvti jumysynan bıznes qaýymdastyqtyń kúteri kóp», - dedi Tımýr Qulybaev. Ol daýlardy sheshýdegi Ulttyq palata rólin atap ótti. Kásipkerlerdiń memlekettik organdardyń is-áreketteri týraly shaǵymdarynyń shamamen 44%-y oń sheshimin tabýda. Bul sot júıesindegi júktemeni azaıtýdyń súzgisi ispetti.
Forýmda Joǵary Sottyń mamandandyrylǵan sot alqasynyń tóraǵasy Aıgúl Qydyrbaeva da sóz sóıledi. Ol sot tóreliginiń tıimdiligin arttyrý jumysy, sonyń ishinde Ult Jospary sheńberinde júzege asyrylǵan reformalardyń qorytyndysy týraly málimdedi. Kásipkerlerdiń qatysýymen oryn alyp jatqan aǵymdaǵy sot praktıkasyna, Joǵarǵy Sottyń normatıvtik qaýlylaryn ázirleýge, sýdıalardyń zań shyǵarý qyzmetine qatysýyna, sottardyń aqparattyq servısterin damytýǵa jáne daýlardy sottan tys sheshýdiń tásilderine erekshe kóńil aýdaryldy.