Qaırat Mámı bolashaq sýdıalardyń psıhologııalyq, moraldyq-etıkalyq daıyndyǵyn atap ótti
Іs-shara Joǵarǵy Sot ǵımaratynda ótti, dep habarlaıdy QazAqparat vedomstvonyń baspasóz qyzmetine silteme jasap.
Q. Mámı Sot tóreligi akademııasynyń Memlekettik basshysynyń tapsyrmasy boıynsha «100 naqty qadam: barshaǵa arnalǵan qazirgi zamanǵy memleket» Ult josparynyń 18-qadamyn oryndaý úshin qurylǵanyn atap ótti. Joǵarǵy Sottyń janynan Akademııanyń qurylýy jáne jumys isteýi zań ústemdigin qamtamasyz etýdiń mańyzdy qadamdarynyń biri retinde aıqyndalǵan. Ony qurý kezinde halyqaralyq tájirıbeler zerdelendi, EYDU men Eýropa sýdıalary hartııasynyń usynymdary, Halyqaralyq sýdıalar qaýymdastyǵynyń jáne Eýropa sýdıalary konsýltatsııalyq keńesiniń qorytyndylary nazarǵa alyndy.
Joǵarǵy Sot Akademııamen birlesip barlyq qajetti normatıvtik quqyqtyq bazany daıyndady, professorlyq-oqytýshylyq quramdy qalyptastyrdy, qarjy jáne materıaldyq-tehnıkalyq qamtamasyz etý máselelerdi sheshti. Búgin Akademııa óziniń aldynda turǵan mindetterdi sheshýge tolyǵymen daıyn.
2016 jylǵy magıstranttarǵa sózin arnaı otyryp, Q. Mámı olardyń báriniń zańgerlik mamandyq boıynsha jetkilikti jumys tájirıbesiniń baryna jáne túsý emtıhandary barysynda jiti irikteýden ótkenine erekshe toqtaldy. «Joǵarǵy Sot janyndaǵy Sot tóreligi akademııasynyń alǵashqy, sondyqtan aıryqsha túlekteri: sot júıesin tyńǵylyqty teoretıkalyq daıyndyǵy bar, bilimderin is júzinde durys qoldana alatyn jańa formatsııadaǵy kadrlarmen tolyqtyrýǵa tıis. Qazirden bastap Ádildikke qyzmet etýshilerge júkteletin jaýapkershilikti tereń seziný qajet»,- dedi Joǵarǵy Sottyń tóraǵasy.
Akademııanyń professorlyq-oqytýshylyq quramymen kezdesý kezinde jańa formatsııadaǵy zańgerler kadrlaryn daıarlaý eldiń ındýstrııalyq-ınnovatsııalyq damýyn qamtamasyz etýdiń jáne zııatkerlik áleýetin arttyrýdyń mańyzdy sharttarynyń biri bolyp tabylatyny aıtyldy.
Akademııanyń jańa mártebedegi negizgi mindeti - sot qyzmetiniń ereksheligin eskere otyryp, oqý protsesin ózgertý bolyp tabylady. Búgingi kúni basymdyq aqparat berýden sýdıanyń kásibı biliktiligin qalyptastyrýǵa jasalýǵa tıis. Aıryqsha mártebege ıe bola otyryp, Akademııanyń ózi derbes bilim berý, ǵylymı jáne ádistemelik salada negizgi erejelerdi ázirlep, praktıkaǵa engizýge, mamandar daıyndaýdyń jańa baǵyttaryn aıqyndaýǵa, olardy oqytýdyń merzimi men nysandaryn belgileýge quqyly.
Q. Mámı: «Sot tóreligin júzege asyrý úshin tyńdaýshyny psıhologııalyq jáne moraldyq-etıkalyq daıyndaý mańyzdy bolyp tabylady. Birinshi kezekte, oqý josparlary men baǵdarlamalary tyńdaýshylardy quqyq qoldanýǵa mashyqtandyrýǵa tıis», - dep atap ótti.
Sýdıalyq kadrlardy daıarlaý jáne qaıta daıarlaý úshin ǵylymı bazany qamtamasyz ete otyryp, Akademııanyń ǵylymı-zertteý jumysynyń nátıjelerin oqý protsesine engizý qajet.
Akademııany odan ári damytý perspektıvasy Sot biliminiń 2017-2020 jyldarǵa arnalǵan strategııasynyń jobasynda kózdelgen. Qazirgi kezde ol talqylaý jáne pysyqtaý kezeńinen ótýde.
Basshylyq pen professorlyq-oqytýshylyq quramnyń aldyna oqý jáne ǵylymı-zertteý protsesterdi damytý boıynsha birqatar mindetter qoıyldy, sonymen qatar oqý ornyn odan ári jańǵyrtýdyń baǵdary aıqyndaldy.