Qaırat Mámı: Bıyl el sottaryna 1,7 mıllıonǵa jýyq is kelip tústi
Qurmetti oqyrmandar!
Barshańyzdy alda kele jatqan 2017 jańa jylmen quttyqtaımyn!
Osy mereke qarsańynda dástúr boıynsha ótip bara jatqan jyldyń qorytyndysy shyǵarylady. Bıyl el Táýelsizdiginiń 25 jyldyǵyn merekeleý sheńberinde respýblıkamyzdyń saıası-ekonomıkalyq salalarynda jańa jetistikterge toly eleýli oqıǵalar oryn aldy.
Otandyq sot júıesi de elimizdiń damýyna óz úlesin qosty. 2016 jyly sýdıalar korpýsy Ult Josparynda kózdelgen tıisti qadamdardyń barlyǵyn tabysty iske asyrdy. Úsh satyly sot júıesine kóshtik, sýdıalyqqa úmitkerler men sýdıalarǵa qoıylatyn talaptar artty, Joǵarǵy Sot janynan ınvestıtsııalyq daýlardy qaraıtyn alqa, Sot tóreligi akademııasy men Halyqaralyq keńes quryldy. Sot isin júrgizýde aqparattyq tehnologııalardy keńinen qoldaný baǵytyndaǵy jumys jalǵasyn tapty. Sýdıalar qaýymdastyǵy úshin mańyzdy oqıǵa -respýblıka sýdıalarynyń VII sezi ótip, onda Sýdıalyq ádep kodeksi qabyldandy.
Atalǵan jumystardyń barlyǵy turǵyndardyń udaıy suranystary jaǵdaıynda zań ústemdigin iske asyrýdyń joǵary tıimdiligin qamtamasyz etýge múmkindik berdi. Aǵymdaǵy jyly el sottaryna 1,7 mıllıonǵa jýyq is pen materıal kelip tústi. Іsterdi qaraý merzimi barynsha qysqaryp, sot tóreligin júzege asyrýdyń sapasy artty. Sot protsesterine qatysýshylar arasynda júrgizilgen saýalnamalardyń barlyǵy sottarǵa degen senimniń turaqty túrdegi joǵary deńgeıin kórsetti.
Keler jyly sot júıesin jańǵyrtý jumystary jalǵasatyn bolady. Basym mindetter qatarynda - respýblıka sýdıalarynyń VII seziniń tapsyrmalaryn iske asyrý, isterdi qaraýdyń sapasy men jedeldigin odan ári arttyrý, sondaı-aq sot tóreligi júıesiniń aıqyndyǵy men qoljetimdigin qamtamasyz etý.
Jańa jyl - barshany biriktirip, kóńilge erekshe shabyt pen jarqyn úmit syılaıtyn, barlyǵymyz qýana qarsy alatyn otbasylyq mereke! Tórimizge qadam basqan 2017 jyl árbir shańyraqqa bereke-birlik, molshylyq jáne tolaıym tabys ala kelsin, armandarymyz oryndalyp, ár isimizge sáttilik serik bolsyn!
Sizderge jáne sizderdiń jaqyndaryńyzǵa zor densaýlyq, kásibı jetistikter men baıandy baqyt tileımin! Jańa jyl qutty bolsyn!
Qazaqstan Respýblıkasy Joǵarǵy Sotynyń tóraǵasy Qaırat Mámı