Qaırat Mámı Armenııanyń Qazaqstandaǵy elshisin qabyldady

ASTANA. QazAqparat - Konstıtýtsııalyq Keńestiń tóraǵasy Qaırat Mámı Armenııanyń Qazaqstandaǵy Tótenshe jáne Ókiletti Elshisi Gagık Galachıandy qabyldady, dep habarlaıdy QazAqparat vedomstvonyń baspasóz qyzmetine silteme jasap.

Konstıtýtsııalyq Keńes tóraǵasy Elshini dıplomatııalyq mıssııasynyń bastalýymen quttyqtap, Armenııa - Qazaqstannyń jaqyn áriptesteriniń biri ekenin atap ótti. Kelesi jyly bizdiń memleket basshylary qol qoıǵan Dostyq pen yntymaqtastyq týraly shartqa jıyrma jyl tolady. Onyń negizinde ekonomıkalyq, mádenı-gýmanıtarlyq jáne ózge de salalarda yntymaqtastyq damyp otyr.

Qaırat Mámı eki memlekettiń quqyqtyq saladaǵy ózara qarym-qatynasyn erekshe atap ótti. Onyń aıtýynsha, ótken kezeńde Qazaqstan men Armenııa konstıtýtsııalyq baqylaý organdarynyń arasynda tyǵyz yntymaqtastyq ornady. Ol ekijaqty jáne kópjaqty formattarda jemisti damyp keledi.

Joǵary mártebeli qonaq eldegi Negizgi zańnyń ústemdigin qamtamasyz etý boıynsha Konstıtýtsııalyq Keńestiń qyzmeti, sondaı-aq 2017 jyly júrgizilgen konstıtýtsııalyq reformanyń negizgi baǵyttary jóninde habardar boldy. 

Qorytyndylaı kele, Konstıtýtsııalyq Keńes tóraǵasy Elshige amandyq-saýlyq jáne kásibı qyzmetinde tabys tiledi.

«Biz dostas armıan halqyna beıbitshilik, turaqtylyq pen ósip-órkendeý tileımiz», - dep túıindedi Q. Mámı.

Óz kezeginde G. Galachıan jyly lebizben qarsy alǵany úshin alǵysyn bildirip, Qazaqstan men Armenııanyń yntymaqtastyǵyn qarqyndatý máseleleri boıynsha óz oıymen bólisti.