Qaırat Kelimbetov Freedom Holding Corp. dırektorlar keńesi quramyna kirdi
«Biz álemdik aýqymdy keńeıtýdi jalǵastyryp otyrmyz. Árbir ıýrısdıktsııanyń ózindik normatıvtik talaptary men zańnamasyndaǵy aıyrmashylyqtar bar. Sondyqtan biz qoldanystaǵy dırektorlar keńesiniń sarapshylyq quramyn tolyqtyrýǵa sheshim qabyldadyq jáne halyqaralyq kompanııalarǵa basshylyq jasaýda alýan túrli tájirıbege, jahandyq operatsııalyq qyzmet pen basqarý salasynda jan-jaqty bilimge, sonymen qatar jalpyálemdik strategııalyq turǵylandyrýda hoý-haýǵa ıe kásibı mamandardy shaqyrdyq», - dedi Freedom Holding Corp. Dırektorlar keńesiniń tóraǵasy, bas atqarýshy dırektory Tımýr Týrlov.
Munan bólek, zań máseleleri jónindegi atqarýshy dırektor jańa laýzaymy 2024 jyldyń 28 naýryzynan qoldanysqa engizildi. Bul laýazymdy qyzmetke buǵan deıin Dırektorlar keńesiniń múshesi bolǵan Djeıson Kerr taǵaıyndaldy.
Zańgerlik jáne konsýltatsııalyq tájirıbesi 50 jylǵa jýyqtaǵan Endrb Gembl Azııada, Afrıkada, Ońtústik Amerıka men Eýropada eńbek etken. Hogan Lovells kompanııasynyń seriktesi retinde Taıaý Shyǵys pen TMD-da, onyń ishinde Qazaqstanda da kóptegen halyqaralyq uıym úshin banktik keńes berý jáne qarjylyq mámilelerdi qurylymdaý boıynsha qyzmet kórsetken.
Fılıpp Vogeler korporatsııalar, memlekettik bılik organdary jáne halyqaralyq uıymdar arasyndaǵy seriktestik qarym-qatynasty qalyptastyrýǵa mamandanǵan. Telenor, Bertelsmann jáne Orange for Deloitte syndy kompanııalarǵa keńes bergen.
Qaırat Kelimbetov Kembrıdj ýnıversıtetiniń magıstri, ekonomıka ǵylymdarynyń doktory, Máskeý memlekettik ýnıversıtetiniń bakalavry dárejelerin alǵan. Almatydaǵy Memlekettik ulttyq basqarý joǵary mektebinde, Kennedı Garvard mektebinde, Djordjtaýn ýnıversıtetiniń Dıplomatııalyq mektebinde oqyǵan. Memlekettik organdar men kompanııalarda basshylyq laýazymda, sonymen qatar túrli uıymdardyń Táýelsiz dırektorlar keńesi quramynda 30 jyldyq jumys tájirıbesi bar.
«Astana» halyqaralyq qarjy ortalyǵyna jetekshilik etken. Túrli jyldary Strategııalyq josparlaý jáne reformalar agenttigin, Ulttyq bankti, Ekonomıkalyq damý jáne saýda, Ekonomıka jáne bıýdjettik josparlaý mınıstrlikterin, Prezıdent Ákimshiligin basqarǵan. Basqarma tóraǵasy retinde «Qazyna» turaqty damý qoryna, «Samuryq-Qazyna» ulttyq ál-aýqat qoryna basshylyq jasaǵan.
Freedom Holding Corp. – ártaraptandyrylǵan kompanııa. Qarjylyq qyzmetter kórsetip, brokerlik qyzmetpen, qundy qaǵazdarly satýmen, ınvestıtsııalyq zertteýmen jáne keńes berýmen, ınvestıtsııalyq-banktik jáne anderraıtıngtik qyzmettermen, ıpotekamen, saqtandyrýmen aınalysady. Kompanııanyń shtab-páteri Almaty qalasynda ornalasqan.