Qaırat Kelimbetov Peterbýrg HEF-qa qatysýshylardy shildede Astanaǵa shaqyrdy
«Astana» Halyqaralyq qarjy ortalyǵynyń basshysy ınvestorlar men qarjy ınstıtýttarynyń ókilderine jańa ekojúıeniń - AHQO-nyń múmkindikterin zertteýdi usyndy. Sheteldik ınvestıtsııalardy tikeleı tartý - Qazaqstannyń ekonomıkalyq saıasatynyń basymdyqtarynyń biri ekenin ataı otyryp, Qazaqstannyń ınvestorlar úshin tartymdy el bolýyna barlyq jaǵdaılar jasalyp jatqanyn tilge tıek etti. Naqtyraq aıtqanda, jańa zańnamalyq jáne ınvestıtsııalyq saıasat júrgizilýde. Biraq, onyń ishinde «Astana» Halyqaralyq qarjy ortalyǵynyń qurylýynyń mańyzy zor.
«Órshil joba Qazaqstan Prezıdentiniń «Bes ınstıtýtsıonaldyq reformasyn júzege asyrý boıynsha 100 naqty qadam» baǵdarlamasynyń bóligi bolyp tabylady. Memleket basshysy úsh jyl buryn aıtqan ıdeıa is júzinde oryndaldy. 5 shilde kúni jańa qarjy ortalyǵynyń ashylýyna arnalǵan Halyqaralyq konferentsııa ótkiziledi», - dedi Qaırat Kelimbetov.
Onyń aıtýynsha, bul - aǵylshyn quqyǵynyń qaǵıdattaryna negizdelgen, táýelsiz sot júıesi men ózindik quzireti bar jeke ekojúıe.
«Shyntýaıtynda, bul - Qytaıdaǵy Gonkong sekildi. Bir memleket, eki júıe. Qazaqstan da osy jolmen júrip, tikeleı sheteldik ınvestıtsııalardy tartýdy kózdeıtin ekojúıeni qurý jolyna baǵyt aldy», - degen Qaırat Kelimbetov qyzyǵýshylyq tanytqandardyń bárin Astanada 5 shildede ótetin AHQO-nyń ashylýyna shaqyrdy.