Qaırat Kelimbetov: BJZQ qarjysy artyǵymen qaıtarylady
Bul jaıynda ol saıasattanýshy Dosym Sátpaev pen «Qarjylyq erkindik» qoǵamdyq qory qamqorshylyq keńesiniń basshysy Bota Jumanovaǵa bergen suhbatynda málim etti, habarlaıdy QazAqparat.
«Qarjynyń barlyǵy tolyq kólemde Biryńǵaı jınaqtaýshy zeınetaqy qoryna (BJZQ) arnaıy nusqamen qaıtarylady. Endi negizgi boryshker retinde Ázerbaıjan úkimeti qarastyrylady. Bul óz kezeginde 2014 jyldyń qazanynda eýrooblıgatsııalardy 18 jylǵa 4 paıyz mólsherlememen satyp alǵanmen birdeı»,-dedi Kelimbetov.
«2014 jyldyń qazanyndaǵy 40 mlrd teńgege toqtalsaq, 2015-2016 jyldardaǵy qunsyzdanǵannan keıin onymen ne boldy? Teńgemen dál sol soma qaldy. Al dollar máninde onyń quny múldem basqasha bolyp qalyptasty. Dollarlar tolyq kólemde paıyzben qaıtarylady. Eshteńe bolmaǵandaı 250 mln dollar somasyndaǵy barlyq qarjy paıyzymen qaıtarylady. Eger de teńgemen 15 jylǵa eseptesek, ol qarjy aıtarlyqtaı artyq kólemde keledi»,-dedi ol.
Onyń sózine qaraǵanda, 2014 jyldyń qazanynda Ázerbaıjannyń halyqaralyq bankine 79 mlrd teńge emes, 45 mlrd teńgeden astam (dollaryna 180 teńge baǵamymen) qarjy ınvestıtsııalandy.
«Sondyqtan 250 mln dollar satyp alyndy. Bul aqsha 2014 jyldyń qazanynda júrgizilgen teńge baǵamyn túzetý sharalarynan qorǵaldy. Sonymen qatar bul qarjy qaıtaryla bastady. Búginde 50 mln dollar tólemdermen qaıtaryldy. Qazirgi baǵammen 17 mlrd teńgeni qurap otyr. ıAǵnı 45 mlrd saldyq, 17 mlrd teńgesi tólendi. Endi qalǵanyn ázerbaıjandyq úkimet tıisti jolmen qaıtaratyndyǵyn aıtty»,-dedi Qaırat Kelimbetov.
Sonymen qatar ol óziniń BJZQ dırektorlar keńesiniń quramyna enýiniń basty sebebi ázerbaıjandyq banktiń oblıgatsııalaryna salynǵan qarjyny tolyq kólemde qaıtarýǵa qatysty ekenin atap ótti.
«Bul qarjy qaıtarylady»,-dep qadap aıtty Kelimbetov.