«Qaırat» fýtzal komandasyna bas bapker taǵaıyndaldy

ASTANA. QazAqparat - Almatylyq «Qaırat» fýtzal komandasyna bas bapker qyzmetine ıspanııalyq maman Marlon Velasko taǵaıyndaldy, dep habarlaıdy QazAqparat tilshisi.

Marlon Velasko 1986 jyly 28 jeltoqsanda Barselona qalasynda dúnıege kelgen. Ol 2012 jyldan beri bapkerlik qyzmet atqaryp keledi.

2018-2023 jyldar aralyǵynda Ispanııa joǵary dıvızıonynda oınaıtyn «Noıa Portýs Apostolı» klýbyna jetekshilik etti. Sondaı-aq, ol bıyl Chempıondar lıgasynda jeńimpaz atanǵan «Palma Fýtzal» klýbynda jemisti eńbek etti.

Jańa bapkermen «2+1» júıesi boıynsha kelisim-shartqa qol qoıyldy.

Eske salsaq, budan buryn brazılııalyq maman Kaka «Qaırat» fýtzal klýbynyń bas bapkeri qyzmetinen ketti.