«Qaırat» fýtbol klýbynyń bas bapkeri otstavkaǵa ketti

NUR-SULTAN. QazAqparat – «Qaırat» FK-niń bas bapkeri Kırıll Keker «Alashkertpen» bolǵan matchtan keıin qyzmetinen ketetini týraly málim etti, dep habarlaıdy QazAqparat Klýbqa silteme jasap.

«Ókinishke oraı, biz sońǵy machta qanaǵattandyratyn nátıjege jete almadyq. Osyǵan baılanysty bas jattyqtyrýshynyń qyzmetinen ketýge sheshim qabyldadym. Klýbtyń maǵan bildirgen senimi jáne bas jattyqtyrýshysy retinde jumys isteýge múmkindik bergeni úshin alǵysymdy bildiremin», - dedi Kırıll Keker.

Komandany «Kaspııge» qarsy kýboktyq matchqa Gavrılenko Artem Anatolııuly daıyndaıdy.

Eske salsaq, 12 tamyzda UEFA Eýropa lıgasy úshinshi irikteý satysynda almatylyq «Qaırat» syrt alańda Armenııanyń «Alashkert» komandasynan jeńilip qaldy.