Qaırat Boranbaevtyń munaı kompanııasy 35 mıllıard teńgege memleket menshigine ótti

<p>ASTANA. KAZINFORM &ndash; Qaırat Boranbaevqa tıesili Phystech II munaı kompanııasy tolyǵymen memleket balansyna ótti. Muny resmı qujattar rastap otyr.</p>

1 tamyzda KASE veb-saıtynda jarııalanǵan aktsıonerler tizimindegi úzindi kóshirmege sáıkes, 1 shildedegi jaǵdaı boıynsha Phystech II AQ jalǵyz aktsıoneri retinde QR Qarjy mınıstrliginiń Memlekettik múlik jáne jekeshelendirý komıteti kórsetilgen.

Jarııalanǵan jaı aktsııalardyń jalpy sany 18 500 000 dana, onyń ishinde 13 749 100 jaı aktsııalar ornalastyrylǵan.

Buǵan deıin memleketke qaıtarylǵan múlikter, olardyń quny jáne qalaı paıdalanylatyny týraly habarlanǵan bolatyn.

Sot sheshimimen kásipkerden memleket paıdasyna tómendegi múlikter tárkilendi:

- Almaty q. Ál-Farabı 77/7-1 kóshesindegi jer ýchaskesi bar kommertsııalyq úı-jaı. Quny 686 mln teńgege teń;

- Halyq banki shotyndaǵy qarajat - 1 mlrd 270 mln 190 myń teńge;

- Halyq bankiniń túrli shottaryna salynǵan 5 mln 685 myń 727 AQSh dollary, 1 mıllıon 170 myń 329 AQSh dollary 755 mıllıon 859 myń 601 teńge, 193 mıllıon 170 myń 137 teńge.

Esterińizge salsaq, buǵan deıin Qaırat Boranbaev bıýdjetke taǵy 120 mlrd teńge aýdarǵanyn jazǵan edik.