Qaırat Boranbaevqa qatysty sot protsesinde aýdıo-vıdeo jazba jasaýǵa tyıym salyndy
«Keıbir BAQ ókilderi ózderiniń jeke akkaýntarynda sot otyrysynyń fragmentterine montaj jasap, aldyn-ala baǵa beriletin sýbtıtrlar salǵan. Bul áreketterge tóraǵalyq etýshi sýdıa eskertý jasaǵannan keıin, beıneler joıylǵan. Sot otyrysy ashyq ótip jatyr. Alaıda, 23 qańtardaǵy sot otyrysy barysynda sýdıa dybys-beıne jazba júrgizýge, sondaı-aq kýálardyń aıǵaqtaryn jáne olardyń jeke basyna qatysty derbes derekterdi jarııalaýǵa tyıym saldy. Sýdıanyń bul sheshimine shaǵym keltirilmeıdi», - dep málim etit Astana qalasy sotynyń baspasóz hatshysy Botagóz Baıanova.
Qosa ketsek, Qaırat Boranbaevqa qatysty sot otyrysy ótken jyly 30 jeltoqsanda bastalǵan edi.
Aıta keteıik, «AzııaGazChýndja» JShS quryltaıshylary Qaırat Boranbaev pen Roman Nahanovqa jáne «Qazaq Gaz» AQ Basqarma tóraǵasynyń burynǵy orynbasary Taır Januzaqqa qatysty isti tergeýdi aıaqtady. Olarǵa suıytylǵan munaı gazyn satyp alý kezinde 14,5 mlrd teńge urlaý jáne qylmystyq kiristerdi zańdastyrý faktileri boıynsha aıyptar taǵylýda.