Qaırat Baıbosynov Ulytaý oblysynyń qurmetti azamaty atandy

<p>Qaırat Baıbosynovqa Ulytaý oblysynyń qurmetti azamaty ataǵy berildi. Bul týraly oblys ákimi Berik Ábdiǵalıuly áleýmettik jelidegi paraqshasynda jazdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

"Qasıetti ólkemizde týyp-ósip, elimizdiń, týǵan jerimizdiń órkendeýine súbeli úles qosyp júrgen birqatar tulǵaǵa búgin, Ulttyq mereke Respýblıka kúni qarsańynda, Ulytaý oblysynyń «Qurmetti azamaty» ataǵy tabys etildi", - dep jazdy ákim.

Marapattalǵandardyń qatarynda qazaq óneriniń alyby, ult murasyna eńbegi sińgen daýylpaz daýys ıesi Jańaarqa aýdanynyń týmasy Qaırat Áýkenuly Baıbosynov;

ǵalym, QR Ulttyq ǵylym akademııasynyń prezıdenti, QazVac vaktsınasyn ázirleýshi, Ulytaý aýdany Qarsaqbaı kentiniń týmasy Kúnsulý Daltonqyzy Zakarııa;

Qazaqstannyń qurmetti jýrnalısi, Qazaqstan Jazýshylar odaǵynyń múshesi, jazýshy, Ulytaý aýdanynyń týmasy Batyrbek Tıyshtyqbaıuly Myrzabekov;

S.Qojamqulov atyndaǵy Jezqazǵan qazaq mýzykalyq drama teatrynyń ártisi, «Qurmet belgisi» ordeniniń ıegeri, Halyq ártisi Dosjan Ábdiráliuly Janbotaev;

Qurmetti professor, Qanysh Sátbaev atyndaǵy «Qurmet» ordeniniń ıegeri Qaısar Jumahanuly Teleshov bar.