«Qaırat» ákimshiligi klýbty Almaty ákimdigine berdi degen aqparatty joqqa shyǵardy

ALMATY. QazAqparat - Áleýmettik jeliler men buqaralyq aqparat quraldarynda Qaırat Boranbaevtyń birqatar kásiporyndardy, sonyń ishinde «Qaırat» fýtbol klýbyn Almaty ákimdigine berdi degen aqparat paıda boldy, dep habarlaıdy QazAqparat tilshisi.

«Klýb bul aqparattyń shyndyqqa janaspaıtynyn málimdeıdi. «Qaırat» FK jumysy burynǵydaı júrgizilýde jáne qazirgi ýaqytta barlyq kúsh 2022 jylydyń 15 qazanynda ótetin fýtboldan Qazaqstan Respýblıkasy chempıonatynyń 23-shi týryndaǵy «Astana» FK-ǵa qarsy oıynǵa daıyndalýǵa baǵyttalǵan», – dep habarlady fýtbol klýbynyń baspasóz qyzmeti.

Eske salaıyq, naýryz aıynda Qaırat Boranbaev qamaýǵa alynǵan bolatyn. Qaırat Boranbaev – «Qaırat» FK baqylaý keńesiniń tóraǵasy jáne túrli bıznesterdiń ıesi, ári elimizdegi iri kásipker.

Forbes.kz jazýynsha, Qaırat Boranbaev Qazaqstandaǵy eń yqpaldy 50 kásipkerdiń qataryna kiredi. 2021 jyldyń qarashasyndaǵy reıtıng boıynsha ol bul tizimde 14-orynda turdy.

Foto: instagram.com/skazk1.dugali4a