Qaıraq jáne Býgrıstoe shekara beketteri qalypty jaǵdaıda jumys istep tur - UQK

ASTANA. QazAqparat – Qostanaı oblysyndaǵy «Qaıraq» jáne «Býgrıstoe» (Reseı) shekara beketteri qalypty jaǵdaıda jumys istep tur, dep habarlaıdy QazAqparat Ulttyq qaýipsizdik qyzmetine silteme jasap.

21 shildede Ulttyq qaýipsizdik komıteti Reseı Federatsııasynyń «Býgrıstoe» avtokólik ótkizý pýnktinde jol jóndeý jumysy júrgiziletini jaıynda habarlaǵan bolatyn. Osyǵan baılanysty Qostanaı oblysyndaǵy «Qaıraq» ótkizý pýnktinde keptelis týyndaýy múmkin ekendigi eskertilgen jáne memlekettik shekarany kesip ótýdiń ózge joldary usynylǵan.

Qazirgi ýaqytta reseılik taraptyń aqparatyna sáıkes «Býgrıstoe» ótkizý pýnktinde josparly alǵashqy jol tósemin salý jumysy aıaqtalǵany jáne ótkizý múmkinshilikterine keri áseri joqtyǵy jetkizildi.

«Qaıraq» (QR) jáne «Býgrıstoe» (RF) avtokóliktik ótkizý pýnktteri qalypty jaǵdaıda jumys istep tur.