Qaıǵyly oqıǵalardyń fotosýreti men vıdeolaryn anonımdi túrde jiberýge bolady
«Tártipsizdik bastalǵan alǵashqy kúnderinen TJ rejımi engizilgenshe ishki ister organdarynyń qyzmetkerleri tek ólimge ákep soqpaıtyn qarý-jaraq qoldanyldy. Bul týraly Іshki ister mınıstrligi jáne Bas prokýratýra brıfıngterde birneshe ret aıtyp ketti. Qazirgi ýaqytta tártipsizdik kezinde ustaýǵa baılanysty azamattardyń shaǵymdaryna jedel den qoıýy úshin mınıstrdiń nusqaýymen QR ІІM barlyq aýmaqtyq bólimshelerinde jáne ortalyq apparatta halyqpen úzdiksiz jumys isteıtinin monıtorıngtik toptar quryldy. Osyǵan baılanysty biz qazir Іshki ister mınıstrimen telefon arqyly taǵy bir kezdesý ótkizdik. Sol kezdesýde Іshki ister mınıstrliginiń 102 qosymshasy men vedomstvolyq saıttarynda qaıǵyly oqıǵalardyń fotosýreti men beınematerıaldaryn anonımdi túrde qabyldanatyny aıtyldy», - dedi Elvıra Ázimova Ortalyq kommýnıkatsııalar qyzmetinde ótken baspasóz máslıhatynda.
Óz sózinde spıker bizdiń árqaısymyz zańdylyqty qalpyna keltirýge kómektesýimiz kerektigin aıtty
«Sizdiń ótinishterińiz ben sıgnaldaryńyz – bolashaqta osyndaı buzýshylyqtar men zańsyzdyqtardyń aldyn alýǵa qosqan úlesińiz. Zańdy jáne basqa azamattardyń quqyqtaryn qurmetteý – jeke qorǵaýdyń kepili bolyp sanalady. Biz ádiletsiz aıyptaýlar men synaýdan aýlaq bolýymyz kerek. Sondyqtan birigýimiz kerek jáne barlyq kúsh-jigerimizdi syndarly arnaǵa baǵyttaýymyz kerek. Bul bizdiń qaýipsiz bolashaǵymyz úshin óte mańyzdy», - dedi Elvıra Ázimova.
Buǵan deıin spıker óńirlerdegi ýaqytsha ustaý ızolıatorlaryna baryp, ustalǵan azamattarmen suhbattasyp júrgenin aıtqan edi. Birneshe kúnde olar 11 óńirdegi 34 mekemege barǵan.
Sondaı-aq adam quqyqtary jónindegi ýákil tártipsizdik kezinde ustalǵandar ne nársege jıi shaǵymdanatynyn aıtty.