Qaı salalarǵa halyq shaǵymy kóp
«Jyl saıyn tutynýshylar ótinishteriniń sany 30 paıyzǵa artyp keledi. Eger 2020 jyly ýákiletti organǵa 21 myń ótinish tússe, 2022 jyly tutynýshylardyń shaǵymdarynyń sany 30 myńǵa deıin ulǵaıdy. Ózge memlekettik organdarda kelip túsken shaǵymdardyń artýy 2021 jyldy 2022 jylmen salystyrǵanda 11 paıyzdy qurady. Osyǵan uqsas jaǵdaı tutynýshylardyń qoǵamdyq birlestikterine shaǵymdardyń túsýimen baıqalady.
Bul ekonomıkanyń jekelegen salalarynda tutynýshy quqyǵyn qorǵaý salasyndaǵy júıeli problemalardy kórsetedi», – dedi ol «Tutynýshylardyń quqyqtaryn qorǵaý týraly» zań jobasynyń jáne oǵan ilespe zań jobasynyń tanystyrylymy barysynda.
Halyqtan shaǵymnyń deni kelesi salalarǵa qatysty:
- bólshek saýda – 48 paıyz;
- turmystyq qyzmetter – 19 paıyz;
- elektrondy saýda – 9 paıyz.
Shaǵymdar sany artyp kele jatqan salalar:
- qoǵamdyq tamaqtandyrý obektilerinde qyzmet kórsetýde – 2,8 ese;
- kólik jáne baılanys qyzmetterinde – 2,5 ese;
- medıtsına qyzmetinde – 2 ese.
Alaıda, vıtse-mınıstrdiń aıtýynsha, bul faktiler tutynýshylar quqyǵyn qorǵaý salasyndaǵy isterdiń naqty jaı-kúıin kórsetpeıdi. Sebebi keıbir tutynýshylar buzylǵan quqyqtardy qorǵaý úshin memlekettik organdar men tutynýshylardyń qoǵamdyq birlestikterine júginbeıdi.
«Ony táýelsiz áleýmettik zertteýdiń nátıjeleri dáleldeıdi. Ol boıynsha azamattardyń medıtsına, ınternet-provaıderler, qoǵamdyq kólik qyzmetterine narazylyǵy kóp. Osyǵan baılanysty, azamattardyń kelip túsken ótinishterin taldaý men monıtorıng nátıjelerin, tutynýshylardyń quqyqtaryn qorǵaýdyń qoǵamdyq ınstıtýttarynyń pikirleri men usynystaryn jáne áleýmettik zertteý kórsetkishterin nazarǵa ala otyryp, mınıstrlik eń aldymen josyqsyz bıznespen jumys isteýdiń aldyn alýǵa baǵyttalǵan zań jobalaryn ázirledi», – dedi Qaırat Balyqbaev.