Qaı óńirlerdiń máslıhaty bólshek salyqtyń stavkalaryn tómendetý týraly sheshim qabyldady
Salyq kodeksine engizilgen ózgerister men tolyqtyrýlarǵa sáıkes, retrospektıvti túrde, 01.01.2023 jyldan bastap bólshek salyqtyń arnaýly salyq rejıminiń (ASR) qoldanylýy qaıta bastaldy.
Bólshek salyqtyń ASR mynadaı sharttarǵa sáıkes keletin salyq tóleýshiler qoldanýǵa quqyly:
1) salyqtyq kezeń ishindegi jumyskerlerdiń ortasha tizimdik sany 200 adamnan aspaıdy;
2) kúntizbelik jyldaǵy kirisi respýblıkalyq bıýdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn 600 000 aılyq eseptik kórsetkishten aspaıdy;
3) osy rejımdi qoldaný maqsattarynda Qazaqstan Respýblıkasynyń Úkimeti aıqyndaǵan qyzmet túrleriniń tek qana bireýin nemese birnesheýin júzege asyrady (Qazaqstan Respýblıkasy Úkimetiniń 2023 jylǵy 22 mamyrdaǵy № 393 qaýlysy http://adilet.zan.kz/kaz/docs/P2300000393).
Tólem kózinen ustalatyn salyqtardy qospaǵanda, KTS/JTS-yn esepteýdi bólshek salyqtyń ASR-in qoldaný kezinde salyq tóleýshi esepti salyqtyq kezeń ishinde salyq salý obektisine mynadaı mólsherdegi mólsherlemeni óz betinshe qoldaný arqyly júrgizedi:
Qazaqstan Respýblıkasynda jáne onyń sheginen tys jerlerde salyqtyq kezeńde alynǵan (alynýǵa jatatyn) kirister boıynsha – 4 %;
KTS/JTS-yn esepteý úshin shyǵystar somalaryn shegerimge jatqyzý boıynsha osy Kodekstiń 242-b. 3-2-t. normalaryn qoldanatyn salyq tóleýshilerge taýarlardy ótkizýden, jumystardy oryndaýdan, qyzmetter kórsetýden alynǵan kirister boıynsha – 8 % (Salyq kodeksiniń 696-3 b. 4 t.).
Sonymen qatar, jergilikti ókildi organdardyń belgilengen qyzmet túrine jáne obektiniń ornalasqan jerine qaraı mólsherlemeni (4%) 50 %-an aspaıtyn mólsherde tómendetýge quqyǵy bar. Bul rette jekelegen salyq tóleýshiler úshin mólsherlemeni jeke-dara azaıtýǵa tyıym salynady (Salyq kodeksiniń 696-3 b. 5 t.).
Mundaı sheshim ol engizilgen jyldyń aldyndaǵy jyldyń 1 jeltoqsanynan keshiktirilmeı qabyldanady, ol qabyldanǵan jyldan keıingi jyldyń 1 qańtarynan bastap qoldanysqa engiziledi jáne resmı jarııalanýǵa tıis.
Bul rette 2023 jylǵa stavka mólsherin tómendetý týraly mundaı sheshim a.j. 1 shildesinen keshiktirilmeı qabyldanady jáne ol qabyldanǵan jyldyń 1 qańtarynan bastap qoldanysqa engiziledi jáne resmı jarııalanýǵa tıis.
Búgingi tańda Qaraǵandy, Qyzylorda oblystary jáne Astana qalasy boıynsha jergilikti ókildi organdar mólsherlemeniń mólsherin tómendetý týraly sheshim qabyldady (tizim qosa jalǵandy).
№ | Ataýy | Sheshim qabyldanǵan kúni jáne № | Stavkasy |
Qaraǵandy oblysy | |||
1 | Abaı aýdany | № 6/58, 22.06.2023 | 2% |
2 | Qaraǵandy q. | № 56, 27.06.2023 | 2% |
3 | Qarqaly aýdany | № VIII-5/51, 27.06.2023 | 2% |
4 | Nura aýdany | № 30, 27.06.2023 | 2% |
5 | Osakarov aýdany | № 6/65, 27.06.2023 | 2% |
6 | Saran q. | № 37, 27.06.2023 | 2% |
7 | Temirtaý q. | № 6/7, 30.06.2023 | 2% |
8 | Býhar-Jyraý aýdany | № 9, 27.06.2023 | 2% |
9 | Shahtınsk q. | № 269/4, 27.06.2023 | 2% |
10 | Aqtoǵaı aýdany | № 49, 27.06.2023 | 2% |
11 | Shet aýdany | № 3/34, 26.06.2023 | 2% |
12 | Balhash aýdany | № 5/52, 30.06.2023 | 2% |
13 | Prıozersk q. | № 6/42, 27.06.2023 | 2% |
Qyzylorda oblysy | |||
14 | Jalaǵash aýdany | № 4-4, 27.06.2023 | 2% |
15 | Jańaqorǵan aýdany | № 52, 27.06.2023 | 2% |
16 | Qazaly aýdany | № 52, 30.06.2023 | 2% |
17 | Qarmaqshy aýdany | № 53, 23.06.2023 | 2% |
18 | Qyzylorda q. | № 45-5/1, 30.06.2023 | 2% |
19 | Aral aýdany | № 69, 23.06.2023 | 2% |
20 | Syrdarııa aýdany | № 41, 30.06.2023 | 2% |
21 | Shıeli aýdany | № 4/2, 27.06.2023 | 2% |
Astana q. | |||
22 | Astana q. | № 50/5-VIII, 30.06.2023 | 3% |