Qaı óńirde turǵyn úıge muqtaj retinde kezekke turǵan azamattar kóp

ASTANA. QazAqparat – Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Baýyrjan Qabdol elimizdiń qaı óńirinde turǵyn úıge muqtaj adamdardyń kóp ekendigin aıtty, dep habarlaıdy QazAqparat tilshisi.

«Elimizdiń 20 óńiriniń ishinde turyn úıge muqtaj retinde tirkelgen azamattar eń kóbi – Shymkentte. Bul qalada 50 506 azamat kezekte tur. Ekinshi orynda – Túristan oblysy. Úshinshi orynda turǵan Astana qalasynda 46 myń adam kezekte tur. Odan keıin Almaty qalasynda 41 366, Jambyl oblysynda 36 961 adam baspanaǵa muqtaj retinde kezekke alynǵan», - dedi ol Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Aıta keteıik, búginde elimizde ákimdikterde 646 819 adam turǵyn úıge muqtaj retinde kezekte tur.

Degenmen, onyń ishinde 232 myń adam zańnama talaptaryna múlem saı kelmeıdi jáne aldyn ala málimetter negizinde kezekten alynýy qajet.