Qaı óńirde koronavırýstan emdelip jatqandar kóp

NUR-SULTAN. QazAqparat – 12 sáýirdegi málimetke sáıkes elimizde 30 myńnan astam ınfektsııalyq tósek oryn ázirlendi. Bul týraly búgin Úkimet otyrysynda QR Densaýlyq saqtaý mınıstri Aleseı Tsoı aıtty, dep habarlaıdy QazAqparat tilshisi.

Mınıstrdiń atap ótýinshe, atalǵan tósek-oryndardyń 41 paıyzynda naýqastar jatyr. Munan bólek 32 064 tósek-orynǵa shaqtalǵan rezervtik qor da bar.

«Infektsııalyq tósek-oryndardyń progressıvti joǵary bos emestigi Almaty oblysynda, Almaty men Nur-Sultan qalalarynda baıqalady. Buǵan qosa, Nur-Sultan men Almatyda qosymsha rezervtik tósek-oryn sany ár qalada shamamen 1 200-di quraıdy. Aıta keterligi, elimiz boıynsha bos emes tósek-oryndar kórsetkishtiniń tómendigine qaramastan búgin aýrýhanaǵa jatqyzylǵan naýqastar sany 2,6 esege artyp, 4 713-ten 12 349 adamǵa jetti», - dedi Alekseı Tsoı.

Onyń dereginshe, ınfektsııalyq statsıonarlardaǵy reanımatsııalyq tósek-oryndar sany 2 752-ni quraıdy, olardyń 27 paıyzy bos emes.

«Bos emes reanımatsııalyq tósek-oryndardyń kórsetkishi Nur-Sultanda 66 paıyz, Almatyda 50 paıyzdy qurap otyr. Reanımatsııa bólimshesindegi patsıenter sany 2,4 esege artty», - dedi mınıstr.