Qaı mýzeıler ulttyq mártebe alady

<p>ASTANA. KAZINFORM &ndash; Búgin Memleket basshysy Qasym-Jomart Toqaev Aqordada ótken mádenıet jáne óner qyzmetkerlerin marapattaý rásiminde elimizdegi eń basty úsh mýzeıge ulttyq mártebe <a href="https://kaz.inform.kz/news/elmzdeg-en-basti-ush-muzeyge-ulttik-martebe-berled-kasim-zhomart-tokaev-749155/" target="_blank" rel="noopener">beriletindigin </a>aıtqan bolatyn. Osyǵan oraı Mádenıet jáne aqparat mınıstrliginen qaı mýzeıler ulttyq mártebe alatyndyǵyn surap bildik.</p>

Birinshisi – Almaty qalasyndaǵy Memlekettik ortalyq mýzeı.

Ortalyq mýzeı kollektsııasy XIX ǵasyrdyń 30-jyldary Orynbordaǵy Neplıýev áskerı ýchılışesinde qurylǵan «Orynbor ólkesindegi Mýzeým» negizinde qalyptasyp, Jetisý oblysy (1929 j.) men respýblıkalyq ateızm mýzeıiniń (1941 j.) kollektsııalarymen tolyqtyrylǵan. 1921 jyly Qazaq avtonomııalyq respýblıkasynyń qaýlysymen Ortalyq Qazaq ólketaný mýzeıi bolyp qaıta kurylǵan. Ortalyq mýzeıdiń tolyqqandy qalyptasýy mýzeıdi Qazaq Avtonomııalyq respýblıkasynyń jańa astanasy – Almatyǵa kóshirýimen tikeleı baılanysty. Al 1944 jyly mýzeı qory tarıhı muralarmen tolyǵýyna baılanysty jáne mýzeıler arasyndaǵy alǵashqy murajaılardyń biri retinde «Qazaqstannyń Memlekettik Ortalyq mýzeıi» ataýyna ıe boldy. 

Ekinshisi - Qazaqstan Respýblıkasynyń Ulttyq mýzeıi.

Qazaqstan Respýblıkasy Ulttyq mýzeıi – Ortalyq Azııadaǵy eń jas mýzeılerdiń biri. Memlekettik «Mádenı mura» baǵdarlamasy aıasynda qurylǵan mýzeı qalyń jurtshylyq úshin 2014 jylǵy 2 shildede ashyldy. Mýzeı jınaǵynyń negizin atalǵan memlekettik baǵdarlama sheńberinde tabylǵan jádigerler quraıdy.

Úshinshisi - Á.Qasteev atyndaǵy óner mýzeıi.

Ábilhan Qasteev atyndaǵy Qazaqstan Respýblıkasynyń memlekettik óner mýzeıi irgesi qalanǵan sátten bastap, respýblıkamyzdyń mádenı strategııasynyń ajyramas bóligine, kórkemdik murany zerttep, nasıhattaıtyn mańyzy zor ortalyqqa aınaldy.