Qaı elderdiń azamaty Qazaqstanda kásipkerlikpen aınalysa alady
Memlekettik kirister komıtetiniń málimetine qaraǵanda, 2017 jylǵy 1 qańtardan bastap dara kásipker retinde tirkeý esebine qoıý habarlama jiberý tártibine aýystyrylǵan. ıAǵnı, jeke tulǵa dara kásipker retinde tirkelý úshin memlekettik kiris organyna dara kásipker retinde qyzmetiniń bastalǵany týraly habarlama usynady.
«Qyzmettiń bastalǵany týraly habarlamany egov.kz portaly, «e-Salyq business» mobıldi qosymshasy, ekinshi deńgeıdegi bankterdiń mobıldi qosymshalary arqyly jiberýge bolady. Sondaı-aq memlekettik kirister organdarynyń Qyzmet kórsetý ortalyqtarynda qaǵaz túrinde habarlama berýge bolady. Tirkeý habarlama berilgen sátten bastap bir jumys kúni ishinde júzege asyrylady. Dara kásipker retinde tirkelgeni týraly aqparatty www.kgd.gov.kz portalynda «Salyq tóleýshini izdeý» batyrmasy arqyly elektrondy servısterden alýǵa bolady», - dep jazdy vedomstvodan.
2014 jylǵy 29 mamyrdaǵy Eýrazııalyq ekonomıkalyq odaq týraly shartqa sáıkes jeke kásipker retinde qyzmetti Qazaqstan Respýblıkasynyń aýmaǵynda turaqty turatyn, ıaǵnı Qazaqstan Respýblıkasynda turýǵa yqtııarhaty bar Qazaqstan azamattary, qandastar, sondaı-aq RF, Tájikstan, Qyrǵyzstan, Belarýs, Armenııa elderiniń beırezıdentteri júzege asyra alady.
Aıta keteıik, 2021 jylǵy 1 qańtardan bastap beırezıdent-jeke tulǵalardy, sheteldikter men azamattyǵy joq adamdardy tirkeý, onyń ishinde JSN qalyptastyrý, tirkeý derekterine ózgerister nemese tolyqtyrýlar engizý, sondaı-aq jeke tulǵalardyń JSN nómirin alyp tastaý fýnktsııasy Memlekettik kirister komıtetiniń quzyretinen Іshki ister mınıstrligine berildi.