Qaýly: QazCovid-in vaktsınasyn egý jáne saqtaý tártibi bekitildi
«QazCovid-in vaktsınasyn shyǵarý nysany: 0,5 ml (bir doza), 1,0 ml (eki doza), 1,5 ml (úsh doza), 2,5 ml (bes doza), syıymdylyǵy 3 ml, rezeńke tyǵynmen tyǵyndalǵan jáne Flip-off tıpti plastıkalyq qaqpaǵy bar metall qalpaqpen oralǵan, Ι synyptaǵy tússiz shynydan jasalǵan qutyda bolady», - dep jazylǵan qujatta.
Sondaı-aq, vaktsına qutysy kelýshilerdiń sany ishindegi doza sanyna sáıkes rettelip ashylatyny aıtylǵan. Bir ret ınemen tesilgen qutydaǵy artylǵan vaktsınany tıisti temperatýrada 4 saǵat boıy saqtaýǵa bolatyny kórsetilgen.
«Inemen tesilgen ornyn spırtpen óńdep, vaktsına dozasyn alǵannan keıin ishinde vaktsınasy bar ashylǵan qutyny birden qutyda ashylǵan ýaqytyn kórsete otyryp, temperatýrasy plıýs 2-den plıýs 8ºS-qa deıingi tońazytqyshqa ornalastyrady. Bul rette vaktsınanyń ashylǵan qutysyn 4 saǵatqa deıin saqtaýǵa jol beriledi», - dep jazylǵan qaýlyda.
Qujattyń mátinimen myna siltemeden tanysýǵa bolady.
Eske salsaq, Bas sanıtar dárigerdiń osy qaýlysynda vaktsına pasporty Qazaqstanda jaramdy elderdiń tizimi jańartylǵan bolatyn.