Qaýipti qaldyqty óńdeıtin kompanııalar arnaıy lıtsenzııamen ǵana jumys isteı alady

NUR-SULTAN. QazAqparat – Іri zaýyttardyń qaldyq shyǵaratyn bólikterine arnaıy sensor qurylǵy ornatylyp, ol onlaın rejimde quzyrly mekemelerge aýaǵa shyǵarylǵan qaldyqtyń mólsheri týraly aqparatty joldap otyrady. Jańa ekologııalyq kodeks kózdep otyrǵan osy jáne ózge de jańashyldyqtar týraly QR Ekologııa, geologııa jáne tabıǵı resýrstar vıtse-mınıstri Ahmetjan Pirimqulov aıtyp berdi, dep habarlaıdy QazAqparat tilshisi.

«Birinshi sanattaǵy kásiporyndardyń qaldyq shyǵaratyn kózderine arnaıy sensor ornatý mindetteledi. Datchık onlaın rejimde quzyrly organdarǵa aýaǵa shyǵarylatyn qaldyqtar týraly aqparatty ýaqtyly berip turady. ıAǵnı, biz onlaın rejimde qandaı kásiporynnyń qandaı kólemde ruqsat etilgen qaldyq mólsherin shyǵarǵanyn bilip otyramyz. Sonymen qatar, sol kásiporynǵa qatysty ákimshilik jaýapkershilik ýaqtyly qarastyrylatyn bolady», - dedi dedi OKQ-da ótken baspasóz máslıhatynda Ahmetjan Pirimqulov.

Sondaı-aq, jańa ekologııalyq kodeks turmystyq qatty qaldyqtar, ónerkásiptik qaldyqtar máselesin de retteýdi kózdeıdi.

«Biz qaldyqtardyń eýropalyq klassıfıkatoryna kóshemiz. Bul bizge qaldyqtardyń qaýiptisin qaýipsizinen ajyratýǵa jol ashady. Ýtılızatsııaǵa qoıylatyn talaptar kúsheıtiledi. Sońǵy ýaqytta medıtsınalyq qaldyqtar týraly rezonansty jańalyqtar kóbeıip ketti. BAQ-ta ol týraly birqatar maqala jarııalanǵan. Qoqys tasıtyn kompanııalarǵa eskertý tártibinde jumys bastalady. Qazirgi ýaqytta ókinishke qaraı, bul naryq bizde rettelip otyrǵan joq. Qaýipti zattardy óńdep, joıatyn kásiporyndarǵa biz lıtsenzııalaý júıesin engizý mańyzdy degen pikirdemiz. ıAǵnı, osylaısha, qaldyqtardy joıatyn kompanııalardyń jumys naryǵyn rettegimiz keledi», - dedi ol.

Eske sala ketsek, buǵan deıin Ahmetjan Pirimqulov jeltoqsan aıynda Parlamentke engiziletin jańa ekologııalyq kodeks jobasy qoldanystaǵy zańnamaǵa birqatar ózgeris engizýdi kózdeıtinin habarlaǵan edi.