Qaýipsiz jáne zańdy mıgratsııa týraly jahandyq shart qabyldandy

NЬıÝ-IORK. QazAqparat - BUU Bas hatshysy Antonıý Gýterrısh Qaýipsiz, rettelgen jáne zańdy kóshi-qon týraly jahandyq sharttyń resmı túrde qabyldanýyn qoshtady. Bul týraly búgin Bas Assambleıada ótken daýys berýge oraılastyrylǵan málimdemede aıtylǵan. Shartty qoldap 152 el daýys berdi. Bes memleket qarsy bolsa, 12 el daýys berýden qalys qaldy. Bul týraly «QazAqparat» BUU Jańalyqtar ortalyǵyna silteme jasap habarlaıdy.

Antonıý Gýterrısh qujatty ázirleýge qatysqan jáne onyń usynylýyna atsalysqandarǵa, sondaı-aq qoldaý bildirgenderdiń barlyǵyna alǵys aıtty.

«Osy protsesten shet qalýdy jón kórgen memleketter sharttyń qundylyǵyna kóz jetkizip, oǵan qosylady dep úmittenemin», - dep málimdedi ol. Qujatqa qarsy Vengrııa, Izraıl, Polsha, AQSh jáne Chehııa daýys bergen. Qalys qalǵan 12 eldiń arasynda Latvııa bar.

«Qujat zańdy turǵydan mindetti qujat bolyp tabylmaıdy. Biraq ol halyqaralyq qoǵamdastyq súıenip otyrǵan negizgi prıntsıpterdi qýattaı túsedi. Onyń ishinde ulttyq egemendiktiń qaǵıdattary men adam quqyqtarynyń ámbebaptyǵy bar», - dep eske saldy BUU Bas hatshysy.

Budan buryn habarlanǵandaı, Qazaqstan Qaýipsiz, rettelgen jáne zańdy mıgratsııa jónindegi jahandyq kelisimshartqa qosylýdy qoldady.