Qaýipsiz, ornyqty jáne damyǵan jahandyq qoǵam qurý jolynda bar kúsh-jigerimizdi aıamaımyz – QR Prezıdenti

ASTANA. QazAqparat – Bıyl Qazaqstan men BUU arasyndaǵy seriktestikke 30 jyl tolady. Bul týraly BUU Bas Assambleıasy 77-sessııasynyń jalpy debatynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Bıyl Qazaqstan men BUU arasyndaǵy seriktestikke 30 jyl tolady. Táýelsiz Qazaqstannyń qalyptasýy men nyǵaıýyna BUU zor úles qosty. Osy aralyqta biz EKOSOS pen Adam quqyqtary jónindegi keńesten bastap Qaýipsizdik Keńesine deıingi Uıymnyń barlyq negizgi organdarynda BUU Jarǵysynda belgilengen maqsattarǵa qol jetkizý úshin jumys istedik. Bolashaq urpaq ıgiligi úshin jaýapty basshylyqqa mundaı qajettilik buryn-sońdy bolmaǵan. Ótkendi eske alý bizden bolashaǵymyz úshin jaýapkershilikti talap etedi. Sizdermen birge biz qaýipsiz, ornyqty jáne damyǵan jahandyq qoǵam qurý jolynda bar kúsh-jigerimizdi aıamaımyz», - dedi Memleket basshysy.

Foto:akorda.kz