Qaýipsiz qala: Astanada beınebaqylaýdyń arqasynda qylmys kólemi 30% azaıdy

NUR-SULTAN. QazAqparat - El astanasy jyl ótken saıyn qarqyndy túrde keńeıip keledi. Munda qaýipsizdikti qamtamasyz etý basym mindet bolyp sanalady. Al tsıfrlandyrýda qaýipsizdik baǵytyna negizgi basymdyq beriledi, dep habarlaıdy QazAqparat qala ákimdiginiń resmı saıtyna silteme jasap.

Joldaǵy qaýipsizdikten basqa «Qaýipsiz qala» jobasy iske asyrylyp jatyr.

Jobany iske asyrýdyń alǵashqy qadamdary «Qaýipsiz aýla» pılottyq jobasy bolyp sanalady.

Joba aıasynda tártipti baqylaý úshin kóppáterli aýlalarda beınebaqylaý kameralaryn ornatý isine basymdyq beriledi.

Beınekameralar zańsyz áreketti anyqtap, aldyn alý úshin úzdiksiz monıtorıng júrgizedi.

Beınebaqylaý kameralarynyń negizgi fýnktsıonaldyq múmkindikteri – beınetirkeý, derekterdi óńdeýdiń ıntegratsııalanǵan júıesi, senimdi baǵdarlamalyq qamtamasyz etý.

Onyń bári túrli jaǵdaılarda júıeniń tıimdi jumysyn uıymdastyrýǵa múmkindik beredi.

Joldardaǵy qaýipsizdik boıynsha zııatkerlik kólik júıesi tolyǵymen engizildi.

Sonyń arqasynda elorda joldary elimizdegi eń qaýipsiz joldardyń birine aınalyp otyr.

Úzdiksiz monıtorıng júrgizý úshin arnaıy júıelerdi paıdalaný – ishki ózara is-qımyldy jaqsartýǵa múmkindik berdi.

Qazirdiń ózinde jobanynyń oń áseri baıqalady.

Statıstıka boıynsha 2020 jyly tirkelgen qylmys sany 30%-ǵa azaıdy.