Qaýipsiz emes ónim úlgileri zerthanada synaqtan ótedi – Baqyt Sultanov

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov ónimdi standarttaý men sertıfıkattaý júıeleri týraly aıtty, dep habarlaıdy QazAqparat tilshisi.

«Ónim sapasy aınalymynyń ósimin yntalandyrýǵa standarttaý men sertıfıkattaý júıeleri tikeleı baılanysty. 1 shildeden bastap tehnıkalyq retteý týraly jańa zań kúshine enedi. Zańmen naryqty baqylaýdyń ınstıtýty qurylady. Bul óz kezeginde «anyqtaý-synyqtan ótkizý - naryqtan shyǵarý» tártibi boıynsha jumys isteıdi», - dedi B. Sultanov onlaın rejımde halyq aldynda esep berýi kezinde.

Onyń aıtýynsha, zerthanalyq synaq júrgizý úshin qaýipsiz emes ónimniń úlgilerin irikteý rásimi engizilip jatyr.

«Osy oraıda ónimniń qozǵalysy onlaın baqylaýda bolady, ıaǵnı sertıfıkattaý men tirkeý aqparattyq júıeleri arqyly júrgiziledi. Keıinnen elektrondy sertıfıkattar Eýrazııalyq ekonomıkalyq komıssııanyń jalpy protsesterimen ıntegratsııalanady», - dedi mınıstr.

Osy jańashyldyqtar tehnıkalyq retteý salasynda qadaǵalaý-baqylaý qyzmetiniń ashyqtyǵy men tıimdiligin qamtamasyz etedi.