Qatty jeldiń saldarynan Jambyl oblysynda gaz qubyry qulap, kópir buzyldy

<p>TARAZ. KAZINFORM &ndash; 17 shilde kúni saǵat 18.00-den bastap Jambyl oblysynyń Qordaı aýdanynda daýyldy jel bastaldy. Jeldiń jyldamdyǵy 18-20 m/s, ekpini 43,5 m/s deıin jetti.</p>

«Beriktas aýylynda qatty jeldiń saldarynan kóshe boıyndaǵy aǵashtar qulap, 3 elektr baǵanasyn basyp qalyp, gaz qubyryn zaqymdady. Saǵat 18.15-te Beriktas aýylynda 1 ShRP ýaqytsha gaz berýdi toqtatyp, nátıjesinde 50 shaqty úı gazsyz qaldy. Al saǵat 19.00-de Beriktas aýylynda qaýipsizdik maqsatynda barlyq 219 abonent gazdan óshirildi. Sondaı-aq, Beriktas aýyly, Beıbitshilik kóshesinde mal qoranyń shatyry jelden ushyp, turǵyn úıdiń shatyryna qulady. Mal qoranyń shatyry 280 sharshy metrdi quraıdy. Aýdanda shuǵyl jumysshy top qurylyp, oqıǵa ornynda quzyrly organdar jumys isteýde», – delingen Qordaı aýdany ákiminiń baspasóz qyzmeti taratqan aqpartta.

Foto: Qordaı aýdandyq ákimdigi

Bul kúni munymen qosa, shamamen saǵat 19.00-19.45 aralyǵynda Otar aýmaǵynda, Kenen aýyldyq okrýginiń tóńireginde burshaq aralas jańbyr jaýdy. Burshaq aralas jaýynnyń jáne qatty jeldiń saldarynan Soǵandy aýyly mańynda Qaqpatas ózeni arnasynan shyǵyp, aýyl arasyndaǵy kópirdi jartylaı buzǵan. Sondaı-aq Beeline operatorynyń baǵanasy zaqymdalǵan. Aýyl ishinde aǵashtar qulap, ol gaz qubyryn qulatqan. Qazirgi ýaqytta Soǵandy aýylynda qalpyna keltirý jumystary júrgizilip jatyr. 

Foto: Qordaı aýdandyq ákimdigi

Foto: Qordaı aýdandyq ákimdigi

Jumysshy top oqıǵa bolǵan aýyldardy aralap, zardap shekkenderdi anyqtap jatyr.