Qatty daýyl Pavlodar oblysyna qanshalyqty zardap ákeldi

<p>Pavlodar oblysynda qatty daýyl 3 qala men 6 aýdanda áleýmettik nysandar men turǵyn úılerge zııan keltirdi. Bul týraly Pavlodar oblysynyń ákimi Asaıyn Baıhanov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«18-19 qarashada Pavlodar oblysynyń aýmaǵynda sekýndyna 37 metr ekpinmen tirkelgen daýyldy jel nátıjesinen oblystyń 3 qalasy men 6 aýdanynda 83 áleýmettik nysan, 63 kóppáterli jáne 84 jeke turǵyn úı zardap shekti. Osyǵan sáıkes, tabıǵı sıpattaǵy jergilikti aýqymdaǵy tótenshe jaǵdaı» jarııalaý týraly sheshim qabyldandy», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, keltirilgen zaqymdy baǵalaý júrgizildi. Zardap shekken nysandardy qalpyna keltirý jumystaryn 2023 jyldyń 5 jeltoqsanyna deıin aıaqtaý josparlanǵan.

«Elektrmen jabdyqtaý jelilerinde 246 apattyq ajyraý men 100-den astam zaqymdaný saldarynan 117 aýyldyq eldi meken jaryqsyz qaldy. Alǵashqy táýlikte jaryq 99 aýylǵa berildi. Qalǵandary boıynsha jumys qulaǵan aǵashtardy tazartý qajettiligimen jáne basqa da jaıttarǵa baılanysty qıyndady. 22 qarashada elektrmen jabdyqtaý tolyǵymen qalpyna keltirildi», - dedi Asaıyn Baıhanov.