Qatty aıazda Qordaı asýynda qalyp qoıǵan bir otbasy túgel úsip ketti — feık

<p>Áleýmettik jelide Jambyl oblysynda qatty aıazda jolda qalǵan otbasy úsip óldi degen aqparat tarady. Jambyl oblysy ákimdigi bul málimetti joqqa shyǵardy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Búgingi kúnge deıin aýa raıynyń kúrt nasharlaýynaan tótenshe jaǵdaı rejıminde bir de bir adam qaıtys bolǵan joq» deıdi jergilikti bılik. 

Áleýmettik jelilerde Qordaı asýynda adamdar úsip, búkil otbasy qaıtys boldy, sondaı-aq tasjolda qar úıindilerinde qaza bolǵan adamdardyń tizimi paıda boldy degen aqparat, sýretter men beınejazbalar tarap jatyr. 

«Bul tizimde qar qursaýynan qutqarylǵan jáne jylytý úshin mektepke jetkizilgen adamdardyń derekteri kórsetilgen. Ólgen adamdardyń denesi bar tabyttardyń sýretine kelsek, olardy jerleý úshin bizdiń oblys arqyly tranzıtpen tasymaldaǵan» dep málimdedi ákimdik.

Jambyl oblysynyń polıtsııa departamenti jalǵan aqparat, onyń ishinde áleýmettik jelilerde taratqany úshin qylmystyq jaýapkershilik kózdelgeni týraly eskertedi jáne tek resmı derekkózderge senýdi usynady.