Katonqaraǵaıda jańa qonaq úı kesheni salynady
Josparlanǵan joba Eýrazııanyń geografııalyq ortalyǵynda ornalasqan jáne Qytaı, Mońǵolııa jáne Reseı Federatsııasynyń Altaı Respýblıkasymen shektesetin Shyǵys Qazaqstan oblysynyń Katonqaraǵaı aýdanynda ornalasady.
Taraptar qonaq úı ındýstrııasynyń álemdik standarttaryn saqtaýdyń jáne qazaqtyń baı qonaqjaı mádenıetin ıntegratsııalaýdyń mańyzyn atap ótti.
Joba jeke ınvestıtsııaǵa salynady.
«Katonqaraǵaı — tabıǵaty keremet jáne orasan týrıstik áleýeti bar biregeı aýdan jáne biz AITAS holdınginiń korporatıvtik qorlarynyń áleýmettik qyzmeti arqyly aýmaqtardy turaqty damytý tetigin testileıtin óńirlerdiń biri. Onyń ústine bul — meniń otanym, sondyqtan osyndaı mańyzdy ári ádemi jobany iske qosý jónindegi yntymaq men úshin qundy», — dedi ınvestorlardyń biri, kásipker Serik Tolyqpaev.
Jobanyń júzege asýyna Shyǵys Qazaqstan oblysynyń ákimdigi men «Kazakh Tourism» AQ qoldaý kórsetýge daıyn.
«Biz qonaqjaılyq ındýstrııasyndaǵy qazaqstandyq kompanııamyz. Qurylysta, qonaq úı nysandaryn basqarýda tájirıbemiz bar. Serik Tolyqpaevpen jáne bolashaqta osy joba boıynsha Accor halyqaralyq tobymen yntymaǵymyzǵa úlken yqylaspen qaraımyz. Bizdiń kompanııa qurylysty basqarýmen, negizgi seriktestermen ózara is-qımylmen jáne keıinnen keshendi basqarýmen aınalysady», — deıdi taǵy bir ınvestor Erbolat Jaqsylyqov.
Sondaı-aq, kezdesýde halyqaralyq qonaq úı operatorlarynyń, Glion Ýnıversıteti, Shveıtsarııa sııaqty mamandandyrylǵan oqý oryndarynyń ókilderin tarta otyryp, qonaq úı bıznesiniń ulttyq standartyn tanymal etý jáne kommertsııalandyrý úshin jergilikti standarttardy ázirleý jónindegi saraptamalyq keńes qurý bastamasy aıtyldy.
Atalǵan bastama «Kazakh Tourism» AQ týrızmdi damytýdyń ulttyq operatorynan jáne naryqtyń basqa da qatysýshylarynan qoldaý tapty.
Keńes jumysyn TOR’RE Hospitality Management bas dırektory Krıstoff Shlıaıssıng basqarady.
Shlıaıssıng myrza Egıpettegi Hilton Luxembourg, Hilton Luxor Resort & Spa, Omandaǵy The Millennium Resort Mussanah, Qazaqstanda Astanadaǵy Rixos Borovoe jáne The Ritz Carlton sııaqty tanymal qonaq úı nysandaryn basqarǵan.
«Men árqashan qazaqtardyń qonaqjaılyǵynyń baı mádenıetine tánti bolamyn. Biz komandamen naryqtyń qalaı ósip, úlkeıip kele jatqanyn kórip otyrmyz, ındýstrııany standarttaýdyń zamanaýı tásilderin ázirleıtin ýaqyt keldi. Ol úshin bizde halyqaralyq tájirıbe jáne ındýstrııaǵa qatysýshylardyń ósip kele jatqan suranysy bar. Barlyq jobalar qazaq qonaqjaılyǵy dástúrin kóteretin bolady», — dedi Krıstoff Shlıaıssıng.
Qonaq úı qurylysynyń bastalý jáne aıaqtalý kúnderi jobanyń damýyna qaraı jarııalanady.