Katonqaraǵaıda týrıstik keshen salynady
Ortalyq kommýnıkatsııalar qyzmetindegi baspasóz máslıhaty barysynda BAQ ókilderi arab ınvestorlarmen jasalǵan kelisimder qandaı salalarǵa áser etindigin surady.
«Elektr energetıkasynan basqa aýyl sharýashylyǵy, framatsevtıka, týrzım, kólik jáne logıstıka salalary bar. Agroónerkásip keshenine 50 mln dollardan astam ınvestıtsııa tartylady. Jyl saıyn 8 myń tonnadan astam qoı eti shyǵarylatyn bolady. Bul keleshekte elimizde aýyl sharýashylyǵy salasyndaǵy eksportty arttyrýǵa múmkindik beredi. Al týrızm salasyn aıtatyn bolsaq, Shyǵys Qazaqstan oblysynda Katonqaraǵaı týrıstik kesheni salynady. Osy jobaǵa 120 mln dollar ınvestıtsııa tartylady. Farmatsevtıka baǵytynda arab kompanııalarymen yntymaqtastyq elimizdi qoljetimdi dári-dármekpen qamtamasyz etýge jaǵdaı jasaıdy. Kólik jáne logıstıka boıynsha Qazaqstannyń kóterme taratý ortalyqtary jelisin damytýǵa múmkindik beredi. Osy ınvestıtsııalyq jobalar azamattarymyzdy jańa jumys oryndarymen qamtamasyz etedi», - dedi mınıstr.
Aıta keteıik, 2021 jylǵy 9-10 qazanda QR Premer-Mınıstri Asqar Mamın Birikken Arab Ámirlikterine jumys saparymen bardy.
Kelissózder qorytyndysy boıynsha ekonomıkanyń basym salalarynda jobalardy damytý boıynsha uzaq merzimdi strategııalyq áriptestik ornatý jónindegi úkimetaralyq kelisimge qol qoıyldy. Qujat QR ulttyq ekonomıkasynyń energetıkalyq, agroónerkásiptik, kólik-logıstıkalyq, farmatsevtıkalyq jáne qarjy sektorlaryndaǵy jobalardy iske asyrýǵa baǵyttalǵan, ınvestıtsııalardyń jalpy kólemi 6 mlrd dollardan asady.