Katonqaraǵaı ulttyq parkinde qar barysy fototuzaqqa túsip qaldy
Bul fototuzaq Katonqaraǵaı ulttyq tabıǵı parki aýmaǵynda ornatylǵan. Oǵan qar barysy túsip qaldy.
Osyǵan deıin de qar barysy tabıǵı parktegi fototuzaq obektıvine ilikken bolatyn. Máselen, Qazaqstan Respýblıkasynyń Qyzyl kitabyna jáne Halyqaralyq tabıǵatty qorǵaý odaǵynyń Qyzyl tizimine engizilgen Panthera uncia qar barysy 2021 jyldyń sáýir aıynda Katonqaraǵaıdyń Sarymsaqty jotasynda alǵash ret fototuzaqqa túsip qalǵan edi.
Aıta keteıik, Katonqaraǵaı memlekettik ulttyq tabıǵı parki 2001 jyly qurylǵan. Ol elimizdegi eń iri jáne erekshe qorǵalatyn tabıǵı aýmaq.
Munda Kókkól sarqyramasy, «Rahman qaınarlary» jylý kózderi, Berel qorǵandary, Uly Jibek jolynyń soltústik tarmaǵy jáne 643 myń gektardan astam ásem tabıǵat aýmaǵynda shoǵyrlanǵan basqa da kóptegen kórikti jerler bar.