Katonqaraǵaı men Zaısanǵa áýejaı salý – shalǵaıdaǵy aýyldardyń damýyna serpin beredi – ShQO ákimi

<p>ÓSKEMEN. KAZINFORM &ndash; Prezıdent tapsyrmasymen Shyǵys Qazaqstan oblysynda Katonqaraǵaı men Zaısanǵa áýejaı salynady. Bul shalǵaıdaǵy aýdandardy damytý úshin mańyzdy qadam bolmaq.</p>

Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń kóshpeli baspasóz konferentsııasynda Shyǵys Qazaqstan oblysynyń ákimi Ermek Kósherbaev málim etti.

– Shyǵys Qazaqstan halqy Prezıdent Qasym-Jomart Toqaevtyń «Halyq únine qulaq asatyn memleket» tujyrymdamasynyń júzege asyp jatqanyn birneshe mańyzdy sheshimderden kórip otyr. Úlken Naryn, Katonqaraǵaı jáne Marqakól aýdandary qaıta qurylyp, tarıhı ádildik ornady. Reformalardyń oń nátıjelerine 3 jyl buryn qaıta túlegen Tarbaǵataı men Samar aýdandarynyń turǵyndary da kýá boldy, - deıdi ol.

Oblys ákiminiń aıtýynsha, Memleket basshysy Katonqaraǵaı men Zaısan aýdandarynda áýejaı salý týraly sheshimi shalǵaıdaǵy aýyldardyń damýyna serpin beredi.

– Óńir ekonomıkasyn damytý úshin jalpy somasy 2032 jylǵa deıin iske asyrylatyn 913 mlrd teńgeni quraıtyn 40 ınvestıtsııalyq joba ázirlendi. Onyń ishindegi 10 joba bıyl júzege asyrylyp, 478 jumys orny ashyldy. 2024 jyly oblys ekonomıkasy 6,5 paıyzǵa artqan,
- deıdi Ermek Kósherbaev.